Home General Reunion sumamente positivo entre Ministernan Oduber di Aruba y Jardim di...

Reunion sumamente positivo entre Ministernan Oduber di Aruba y Jardim di Curaçao

0
0
SHARE
- Advertisement -

ORANJESTAD (AAN): Diahuebs Minister Otmar Oduber a reuni cu Minister di Finanzas di Curaçao Jose Jardim y su delegacion. E reunion aki a bay den un hopi bon ambiente caminda a papia riba diferente tema.

   Minister Oduber a conta cu e mandatario di Curaçao a worde acompaña pa alto ehecutivonan di Curoil y a papia riba e diferente plannan cu nan tin na Curaçao y den e region. Tambe a conversa riba e parti cu ya caba pa entre 4 pa 5 luna Curoil ta suministra fuel pa e diferente barconan crucero na Aruba, cual ta worde usa como parti di e mercadeo pa barconan bin Aruba , cual tabata hopi positivo. “Awe nos a reafirma e parti aki tambe”.

Un otro tema riba cual e mandatarionan a papia ta e posibilidadnan grandi cu tin di cooperacion entre Curoil y Aruba. Riba e tema aki nan a reuni cu APA, cu aeropuerto di Aruba, entre otro.

Concluyendo Minister Otmar Oduber a indica cu e reunion aki tabata hopi habri, transparente y den un ambiente tremendo. E ta considera Minister Jardim un persona hopi agradabel pa conversa y ta di opinion cu tanto Curaçao como Aruba a sali for di e reunion sumamente satisfecho cu e puntonan cu tabatin riba mesa.

Na final di e reunion ambos mandatario a intercambia di regalonanan cu ta refleha e buniteza di tur dos pais.

- Advertisement -

DUNA COMENTARIO

Please enter your comment!
Please enter your name here