Home Politica Segun parlamentario Dangui Oduber segun ley gobierno mester scucha habitantenan

Segun parlamentario Dangui Oduber segun ley gobierno mester scucha habitantenan

0
0
SHARE
- Advertisement -

prome cu bin cu dump cu lo bira molester pa habitantenan  

ORANJESTAD (AAN): Dangui Oduber Parlamentario di fraccion di MEP tabata presente den reunion cu a wordo yama pa habitantenan di Sabanilla Abao, Coba Lodo y becindario, kendenan ta hopi preocupa riba desaroyo di un posible dump den nan bario.

Esaki ta un discusion cu ta tumando lugar den ultimo 2 siman, despues cu nan a tuma nota di un comunicado di prensa di Serlimar, na unda a anuncia cu riba 1 di April tin intencion di habri un dump den un bario hopi habita.

Despues di haya e noticia, habitantenan a cuminsa un accion di firma, y nan ta bezig cu un caso den Corte, mientrastanto Gobierno y Serlimar a cuminsa duna mas informacion riba kico ta intencionnan di Gobierno.

Segun Parlamentario Oduber, nan tambe tabata presente den un reunion di un Comision Fiho di Medio Ambiente di Parlamento, caminda Ministro Sevinger y Ministro de Meza tabata presente, na unda nan a duna un splicacion y informacion riba intencionnan di gobierno pa loke ta trata maneho di medio ambiente.

Den informacionnan por a conclui cu tin mas o menos 30 buraco manera esun di Coba Lodo, cu tabata wordo uza como dam pero pa motibo di sekia, nan a keda como buraco habri y intencion di gobierno ta pa hiba un maneho estricto cu e dump aki, kiermen cu solamente materialnan di construccion y matanan por wordo tira eyden.

Parlamentario Oduber ta cuestiona esaki, “mi mes a haci un bishita na Gavilan, na unda esaki tambe a wordo considera solamente pa material di construccion y mata, pero director di Serlimar a confirma den reunion, cu maneho di Serlimar a faya, y ta tur sorto di desperdicio ta wordo tira eyden, cu consecuencia cu candelanan ta cendi casi tur dia, y esey ta un di e preocupacion grandi cu habitantenan tin, pasobra mirando e bientonan cu ta supla den e area, si un candela mester start, “e candela por end up te na Eagle Beach den mi opinion.’

Oduber a enfatiza cu ta responsabilidad di gobierno pa duna oido na habitantenan, y el a señala cu tin leynan cu ta stipula cu mester scucha habitantenan prome cu bin cu un dump cu ta bay ta un molester pa habitantenan. “Nos ta urgi gobierno pa prome cu tuma decision, scucha habitantenan, scucha nan preocupacion, laga nan expresa nan mes si nan kier un dump si of no den nan bario, mi ta kere no ta husto loke ta pasando awo, djis pasobra nan tin un mayoria den Parlamento y nan a haya hopi sosten den ultimo eleccion, pa hisa benta y bin cu un dump den un bario sin consulta ningun hende,” Parlamentario di fraccion MEP a insisti.

- Advertisement -

DUNA COMENTARIO

Please enter your comment!
Please enter your name here