Home General Tarifa di RIU riba all inclusive pa Aruba ta halto door di...

Tarifa di RIU riba all inclusive pa Aruba ta halto door di e servicio superior cu Aruba ta ofrece

2
0
SHARE
- Advertisement -

Minister di Turismo Otmar Oduber:

ORANJESTAD (AAN) – Den entrevista cu Matutino DIARIO a haci un observacion na Minister Otmar Oduber, encuanto e hecho cu esnan cu ta maneha Westin kier haci di dje un RIU all inclusive, cu no ta e idea di gobierno di Aruba.

Minister Otmar Oduber a señala cu semper nan a mira RIU como un partner estrategico y cu e ta contento cu nan a afilia na AHATA.

Esaki no tabata e caso di añanan atras tempo cu nan a establece na Aruba pero gobierno di awor a logra pa nan forma parti di AHATA y di henter e desaroyo di e team estrategico di Aruba encuanto promocion y mercadeo di nos pais afo.

E dignatario a subraya cu gobierno ta mira RIU como un bon partner, no obstante den varios ocasion nan a bisa cu nan no kier mas hotel ni mas camber all inclusive riba nos Isla, pasobra na cierto momento e por bira un Punta Cana of un Cancun y mayoria di inventario ta bay den man di all inclusive cu ta paketenan mas economico, compara cu loke un turista cu tin un estadia normal na Aruba ta produci pa nos economia.

Sin embargo, RIU riba su mes y cu e inversionnan cu nan ta bay haci, ta cuantitativo, ta mehora e producto di e hotel y di e cambernan cu ta wordo ofreci na Aruba y esaki gobierno semper ta aplaudi.

E problema, si por yame asina segun e dignatario, tabata e forma con nan kier a atende cu e empleadonan di e hotel Westin anterior, y e ta keda riba esaki na un forma hopi fuerte cu a mira cu e empleadonan a bay cu un pakete cu nan a tuma boluntariamente, mientras cu e otro grupo cu ta un minoria, naturalmente, ta bay busca den Corte wak si nan por haya loke nan ta sinti cu ta nan derecho.

Pero no obstante tur cos, e inversionnan cu nan ta bay haci, y e relacionnan cu gobierno tin cu RIU ta bal la pena, y cu su calidad di tipo di all inclusive cu nan ta produci pa Aruba ora di cumpre den RIU mes rond mundo, por mira cu nos pais practicamente ta number uno, pa loke ta trata tarifanan mas halto pa motibo di e producto mes cu Aruba ta ofrece nos bishitantenan.

- Advertisement -

DUNA COMENTARIO

Please enter your comment!
Please enter your name here