Home Policial A scapa bida di dos sambuyador

A scapa bida di dos sambuyador

2
0
SHARE
- Advertisement -

ORANJESTAD(AAN): Ayera atardi autoridadnan a drenta den accion rapidamente na momento cu alarma a bati cu 2 sambuyador a confronta problema riba lama. Polis, Guardacosta, Brandweer, Polis Maritimo y tambe e avion di Guardacosta cu tabata staciona na Aruba a sali pa busca.

Un famia cu tabata canando banda di lama, a scucha algun grito y na dado momento a mira 2 persona den awa ta flash nan cu un flashlight. E famia no a basila y a bati alarma di biaha.

Famia ta bati alarma

A scapa bida di dos sambuyador na cabez di Aruba

ORANJESTAD(AAN): Dos sambuyador awe mester ta gradici na un famia cu tabata den e area di Sero Colorado. Nan tabata gozando di e area den oranan di atardi y na dado momento a mira manera dos of tres hende den problema. Nan no a bacila y a bati alarma.

Mesora polis , Ambulance, bomberonan y tambe boto di kustwacht y boto di polis a yega y avion di kustwacht tambe tabata circulando. Varios unidad di polis a duna un man y busca pa e testigonan cu lo a yama. E testigonan no a bandona e sitio.

Nan a topa polis y asina hiba polis na e sitio unda probablemente nan a mira e sambuyadornan. Polis mes a cuminsa mira cierto indicacion hopi leu den awa.  Tabata poco mas panort di cabez di Aruba y e sambuyadornan tabata bay direccion di KIA pero den lama bruto hopi pafo di costa.

A cuminsa duna indicacion na e boto di polis y kustwacht con nan mester a move pa yega. Asina a logra yega na e dos sambuyadornan.

E testigonan a mira di leu cu tabata parce tres sambuyador den problema pero finalmente a resulta cu tabata dos. Ambos a wordo saca di awa y treci na Rodgers Beach. Asina e personal di ambulance y tur polis a bay na pier. Tur dos tabata bon di salud. Testigonan cu a bati alarma tambe a presenta. Esey tabata un momento special unda personalmente ambos a gradici e famia cu a reacciona y capta e señalnan pa yudanza y bati alarma tambe. E tabata net na momento cu scuridad tabata cla pa drenta cu bahada di solo. Si e alarma a wordo bati un tiki mas laat sigur e lo a bira un problema serio pa e sambuyadornan aki.

- Advertisement -

DUNA COMENTARIO

Please enter your comment!
Please enter your name here