Home General Bahada leve den confianza di consumidor

Bahada leve den confianza di consumidor

0
0
SHARE
- Advertisement -

Segun Banco  Cental di Aruba:

den di prome trimester di 2014

ORANJESTAD (AAN): Segun Banco Central, e Indice di Confianza di Consumidor a baha cu 0,7 punto di indice te na 97,3 durante e di prome trimester di 2014. E indice a baha pa dos periodo consecutivo (Figura 1). Ademas, e indice ta 1,2 punto di indice mas abou cu e mesun periodo di e aña anterior. E caida den e Indice di Confianza di Consumidor tabata e resultado di bahada den tanto e Indice di e Situacion Actual y e Indice di Expectativanan den e prome trimester di 2014 (Cuadro 1).

   Percepcion di consumidornan riba nan situacion financiero personal actual a deteriora, door cu 23,8 porciento di encuestadornan a indica cu nan situacion financiero personal actual a bira peor, compara cu 14,8 porciento den e di cuatro trimester di 2013.

Por observa e mesun desaroyo pa cu e condicionnan economico y di comercio actual (unda 36,3 porciento di e respondientenan a menciona un empeoramento den e di prome trimester di 2014 versus 21,8 porciento den e di cuatro trimester di 2013), y e posicion financiero actual di gobierno (32,8 porciento a indica un deterioro den di prome trimester di 2014 versus 28,5 porciento den e di cuatro trimester di 2013).

   Consumidornan a parce di ta riba un nivel neutral pa cu expectativanan pa futuro, ya cu e mayoria a indica cu nan situacion financiero personal, e condicionnan economico y di comercio y e posicion financiero di gobierno lo keda mescos den e futuro cercano. Ademas, e pronostico di e consumidornan riba e mercado laboral actual a keda mas of menos igual cu e di cuatro trimester di 2013.

   Por ultimo, consumidornan a trece dilanti cu no tabata apropia pa cumpra un auto (52,0 porciento), pero cu si ta apropia pa cumpra aparatonan grandi (44,3 porciento) of pa bay cu vacacion (45,8 porciento).

   Por obtene e presentacion completo di e resultadonan di e encuesta for di e website di BCA.

- Advertisement -

DUNA COMENTARIO

Please enter your comment!
Please enter your name here