Home Policial Dama 7 luna na estado envolvi den e accidente fuerte entre 3...

Dama 7 luna na estado envolvi den e accidente fuerte entre 3 auto

0
0
SHARE
- Advertisement -

ORANJESTAD (AAN): Diamars mainta varios unidad a haya nan mes ta drenta den accion pa un accidente basta pisa cu a tuma lugar net na altura di e brug na Pos Chikito.

Informacion cu DIARIO a ricibi tabata cu un chauffeur, manehando un Toyota Starlet, a ripara cu polis tabata conduci un control di trafico na Balashi y el a purba lora, pasando varios auto, pa evita e control di trafic.

Na dado momento el a perde control di su auto y bay dal contra un Toyota Tercel y un Toyota Corolla. E impacto tabata asina fuerte cu ambos pasahero a keda pega den auto.

Polis a solicita presencia di equipo di Rescate di Bombero pa brinda asistencia pa corta ambos pa saca e victimanan herida den e accidente. Ambulance tambe a presenta na sitio pa brinda asistencia medico pa despues di un rato transporta e victimanan pa Hospitaal.

Polis a detene e chauffeur iresponsabel y hunto cu Ambulance a transporta e chauffeur pa Hospitaal. Polis y specialista di trafico a cera full e caminda pa asina conduci un investigacion profundo di e accidente. Informacion cu DIARIO a ricibi ta cu e señora envolvi den accidente ta 7 una na estado. DIARIO ta confia cu nada no a pasa e baby y alaves un pronto recuperacion pa esnan envolvi den e accidente.

- Advertisement -

DUNA COMENTARIO

Please enter your comment!
Please enter your name here