Home Policial Dos preso peligroso a huy for di KIA

Dos preso peligroso a huy for di KIA

34
0
SHARE
- Advertisement -

Tanto na Corsou, Alemania y awor na Aruba

for di buraco bao di WC

ORANJESTAD.(AAN); Recientemente na Curacao dos preso peligroso a logra huy for di prison y te cu ayera atardi autoridad no a logra pone man riba Lio Winklaar y Eni Camelia cu ta keto bay fugitivo . E buskeda ta continua te ora nan wordo gara.

Tanto Lio y Enio naci na Curacao ta sumamente peligroso. Nan ta presonan cu ta sinta castigo pa diferente delito serio y pisa cu nan a comete, entre otro atraco, asesinato y violacion sexual.

Na Alemania otro dos preso a huy pero via  muraya di 4 meter halto.

Nan lo a uza laken mainta trempan y nan a baha bay.

Ni camara a capta nan pa cual guardianan a cuminsa actua pero tabata laat.

Segun e informe nan lo a zaag e tralinan di nan cel.

Minister di husticia ordena investigacion mesora y profundo pa saca afor si esnan cu a logra huy a haya yudanza paden y pafo.

Mientras tanto na Aruba, na KIA tambe, a bati alarma ayera mainta pa 5’or y 30 na Central di polis cu dos preso a huy.

Polis a informa ayera cu desde dialuna marduga, polisnan ta buscando dos preso cu a logra huy for di prizon, situa na Santo di Patia. Ta trata aki di e preso Franklin Rincon Galvan, naci na Venezuela, di 26 aña di edad y Yonathan A. Sandia-Pinto, naci na Venezuela, di 32 aña di edad.

Un investigacion na e sitio a saca afo cu dos preso a logra huy. Nan a pasa via un buraco bou di e WC. Ta investigando ainda con nan a logra yega te pafo y si a haya ayudo di otro hende(nan) pa nan por a bandona e sitio.

For di KIA, nan a informa Polis cu e presonan tabata bisti ambos cu polo-shirt color scur y un short color scur tambe. Tur dos tabatin keds na pia.

E fotonan aki ta esunnan mas recien, pa cual ta pidi comunidad cu si señala e fugitivonan aki, pa yama Polis mesora na number 100. Ta considera ambos como preso peligroso, pues no por descarta cu nan por ta arma!

Cuerpo Policial ta dispone di e ekiponan y e conocemento tactico pa eherce e tipo di detencionnan peligroso asina. A informa Warda Costa di nos paisnan bisiña pa ta mas alerta mirando cu kisas lo por busca un forma pa huy pa ayabanda. Aki na Aruba a intensiva control na nos costanan pa evita cu nan por subi un boto y bandona nos isla.

Di otro banda, ta manda un mensahe tambe na e dos fugitivonan aki, cu lo ta miho nan entrega nan mes na e Warda di Polis di nan mesun preferencia.

Tambe Polis ta subraya, cu cualkier persona cu yuda e fugitivonan aki den nan huida, ta castigabel pa ley.

Yonathan Arcangel  Santo Pinto naci na Venezuela 12 di January 1982  ta cera den KIA como sospechoso di Atraco y droga, mientras  e otro, Franklin Rincon –Calvan naci na Venezuela 11 di November 1987 ta cera como sospechoso pa asesinato y droga.

Manera cu e informe a drenta, tur autoridad competente  a wordo poni mesora na altura y e draai boek a drenta na vigor cu polis uniforma y recherche mester tende cuenta cune. Haf, Aeropuerto y costa nan tambe ta wordo vigila, ademas  unda e detenidonan aki tabata hospeda y si ta corecto e buki den cual  ta aparece nomber di bishitantenan tambe autoridad ta tene cuenta.

Autoridad ta suplica pa tene cuenta cu e dos nan aki ta wordo considera peligroso y nan lo por ta arma.  Cualkier persona cu por sa algo di nan of a señala  nan ta ser pidi pa actua cu cautela y yama central di polis mesora y “No Enfrenta Nan”  Pa medio di e “Tip Line” di polis por duna suministra information cu ta 11141

PA FOTONAN:  Sandia – Pinto

 

                             Rincon – Galvan

- Advertisement -

DUNA COMENTARIO

Please enter your comment!
Please enter your name here