ORANJESTAD (AAN): Diamars mainta informacion drenta cu e conocido Lider di MFK y alaves Politico a wordo deteni na momento cu e tabata Sali di un planta di Television (CBA).
Informacion cu Diario a ricibi y confirma pa Ministerio Publico na Corsow ta bisa lo siguiente: Den cuadro di Investigacion Babel, Diamars mainta 20 di Mei, 2014, 2 persona a keda deteni enocecion cu nan ta wordo sospecha pa Falsificacion di documento mas cu un biaha y labamento di placa.
Ta trata aki di e conocido Lider di MFK Sr. Gerrit Schotte y su su Pareha Cecily van der Dijs. E detencion a tuma lugar door di Landsrecherche di Corsow na Piscadera. Durante di e detencion no tabata tin ningun particularidad, tanto Gerritt Schotte y Cecily van der Dijs ta keda interoga na e momentonan aki. Contrario loke a keda trece pa dilanti door di algun medio di comunicacion, no tabata tin ningun entrada Hudicial na cas di Sr. Gerritt Schotte.
Mester menciona cu e caso a bira uno hopi mas interesante na momento cu informacion a leak di algun informacion Bancario cu aparentemente mester a tuma lugar riba cuenta di Gerritt Schotte y via di e conocido Francesco Corallo. Awo bo persona ta puntra ken ta Francesco Corello? Francesco Corello sigur no ta un desconoci y cu su persona ta wordo sospecha pa ta meti y alaves pa tin hopi amigo den baho mundo. November 10, 2011 cas di Francisco Corello a wordo invadi enconecion cu un investigacion cu tabata andando riba un caso na unda cu Corello a ricibi un prestamo di mas cu 200 Miyon di Dollar di Roman Banca cu ta conoci pa wega nan di Bet. Corello na e tempo ey a wordo acusa pa ta e Doño di Atlantis/Betplus segun medionan di comunicacion Italiano.
Awo e mesun Corello ta esun cu a deposita sumanan cuantioso di placa riba cuenta Bancario di Gerritt Schotte na momento cu e tabata ocupa e funcion di Prome Minister di Corsow. Ta papia di un suma di Afl.900.000,- cu a wordo deposita riba cuenta di Banco di Sr.Gerritt Schotte. E informacion aki cu MOT ta deposita di dje a leak y a bira conoci den pueblo. Aki ta na unda cos a bira serio y autoridad na su banda a cuminsa cu un investigacion mas riguroso. Sr.Gerritt Schotte na su turno no a gusta e cuenta y a cuestiona e modus operandus di MOT y a involucra su abogado den e caso. Den e mesun informacion aki por a lesa cu Sr.Gerritt Schotte su nomber ta wordo menciona mas cu 50 biaha aña pasa den e Rapport di MOT pa transaccionnan iregular y cuestionable.
Awo Sr.Gerritt Schotte y su Partner cu porcierto su famia ta doño di Pomp Stations na Corsow y aki tambe tin algun iregularidad aparentemente mester a tuma lugar y cu autoridad ta investigando. No ta conoci con largo Sr.Gerritt Schotte y su pareha lo keda deteni, pero segun informacion ricibi cu nan lo keda deteni 2 dia mas y cu posibilidad pa prolonga na detencion. Mester menciona cu esaki no ta e unico caso cu Landsrecherche lo cuestiona Sr.Schotte riba dje, mirando cu su nomber ta keda circula den caso “MAGNUS”. DIARIO lo sigui e caso aki di cerca y lo bin cu cualkier informacion extra na momento cu esaki wordo treci padilanti.
