Home General Minister di Labor drs. Paul Croes; Cifra di desempleo pa 2014 ta...

Minister di Labor drs. Paul Croes; Cifra di desempleo pa 2014 ta 6.7% (2013 : 7.6%)

0
0
SHARE
- Advertisement -

E cifra oficial di desempleo pa 2014 ta 6.7%. Esaki Minister di Labor drs. Paul Croes a anuncia den un rueda di prensa organisa pa Gobierno di Aruba. Compara cu 2013 (7.6%) esaki ta un mehoracion di 1% pa e cifra di desempleo. Lo nifica cu tin mas cupo di trabou cu lo keda yena den 2014 riba e mercado laboral.

“Un resultado alentador sigur pa nos isla. Ta nificia cu tin confiansa den nos economia”, Minister Croes a declara. Despues di tuma cifranan oficial di Banco Central, cifranan di SVB (riba inschrijvingen y uitschrijvingen), cifranan di Central Bureau Statistiek (CBS) y teniendo en consideracion e maneho di Minister di Asuntonan Social y Labor riba re-integracion di bijstandtrekkers, Departamento di Labor su departamento di investigacion a yega na e resultado aki pa e proyeccion 2014.

E resultado positivo aki ta resultado di e diferente inversionnan, crecemento di turismo y otro sectornan cu lo conoce leve crecemento den 2014. Tin varios proyectonan a inicia caba, y tin algun cu mester cuminsa den e luna nos dilanti.

 Recientemente Directie Arbeid a presenta e cifra pa 2013 cu a resulta di ta 7.6%. Compara cu 2012 esaki tabata 9.6%. Kiermeen pa 2014 lo tin mas cuponan di trabao pa wordo yena cu e aña anterior. E investigacion a tuma na cuenta e desaroyo negativo cu tin riba mercado manera Westin y Tiara Air, dunando asina un resultado mas realistico.

- Advertisement -

DUNA COMENTARIO

Please enter your comment!
Please enter your name here