Home General Pueblo di Paradera y bisindario ta invita awe pa Anochi di Informacion...

Pueblo di Paradera y bisindario ta invita awe pa Anochi di Informacion riba MFA

2
0
SHARE
- Advertisement -

ORANJESTAD (AAN): Diaranson 21 di mei, pueblo di Aruba ta cordialmente invita pa bin topa cu e ekipo di Facilidad Multifuncional (MFA) Paradera.

E directiva di e MFA cu ta planea pa e districto di Paradera ta presente na Club Caiquetio entre 7or y 9or di anochi. E encuentro ta busca pa establece un contacto estrecho entre e centro y e habitantenan pa asina traha hunto na bienestar di e bario.

   Manera ta conoci, MFA ta e concepto di diferente servicio den un edificio cu pronto lo bin na luga di Hulpbestuurskantoor.

E idea ta pa e MFA den cada districto ofrece ademas di e servicionan regular di un Hulpbestuurskantoor, manera asuntonan di Censo y Belasting, tambe otro posibilidadnan como por ehempel un oficina di AZV, DIMAS y WEB Aruba NV.

   Tambe ta forma parti di e diseño espacionan paden y pafo caminda ciudadanonan di tur edad por bini hunto sea pa traha na bienestar di nan bario of simplemente pa tin contacto social.

   Esnan cu lo hiba palabra e anochi aki ta Anky Vrolijk, director general di MFA, arkitecto Jouel Croes encarga cu diseño di e edificio di Paradera y director di MFA Paradera Kenneth Croes.

   Esaki ta e oportunidad excelente pa asina habitantenan di diferente bario den e districto por haya tur informacion relaciona cu e proyecto, pero tambe pa haci cualkier pregunta.

   Opinionnan constructivo tambe ta bon bini pa asina yuda e ekipo di MFA Paradera crea e miho centro di servicio y encuentro social posibel.

   Tur famia, bisiña y conoci den Paradera y bisindario ta invita pa asisti na e anochi di informacion aki. Entrada ta gratis y ta pidi encarecidamente pa yega na ora pa asina por cuminsa y caba na e orario indica.

- Advertisement -

DUNA COMENTARIO

Please enter your comment!
Please enter your name here