Home General Renovacion di pier na Sero Colorado a keda cla

Renovacion di pier na Sero Colorado a keda cla

3
0
SHARE
- Advertisement -

ORANJESTAD (AAN): Diferente pier rond di Aruba ya caba a worde renova, reconstrui of contrui, y awor a toca turno na e pier na Sero Colorado, conoci como pier di Esso Club. Esaki ta parti di e proyecto di renovacion di piernan, cu ta resorta bou di responsabilidad di minister Otmar Oduber. 

   Na Sero Colorado a reuni cu e piscadornan y a cuminsa cu un plan piloto. Un di e problemanan mas grandi cu tabatin ta vandalismo y ladronicia.  Eybanda tabata hopi scur y no tabatin control, pa cual e piscadornan tabata keha di ladronicia, entre otro di motornan.

Awor aki a instala un sistema di luz solar.  Minister Otmar Oduber a comenta: “E piscadornan ta hopi contento pasobra esaki a duna un bon resultado. Y banda di esaki a percura pa drecha cierto partinan di e pier. E caminda di corta pisca tambe ta nobo. E boeinan tambe a worde drecha pa asina yuda evita cu e botonan ta accidenta. Y asina a drecha un cantidad di aspectonan pa e piscadornan cu pa hopi aña no a haya atencion”

Esaki ta e prome fase, lo tin un di dos fase na unda lo bay mas den direccion cu e piscadornan por sinti nan mes mas sigur y cu den tur trankilidad nan por laga nan botonan den awa.  E siguiente proyecto lo ta e pier conoci como e pier di e “Yacht Club”. Esaki lo worde desaroya pa e pueblo di pariba di brug. E no ta necesariamente pa piscado, pero mas bien pa worde uza pa metanan recreativo pa e comunidad di pariba, mirando cu e tin un significacion grandi pa pueblo di San Nicolas.

Minister Otmar Oduber ta contento y agradecido na Santa Rosa pasobra full e inversion a bin for di e presupuesto di Santa Rosa y e intencion ta pa den cooperacion cu Fundacion Centro di Pesca Hadicurari sigui den 2014 cu mehoracion di e facilidadnan pa piscadornan di Aruba.

- Advertisement -

DUNA COMENTARIO

Please enter your comment!
Please enter your name here