Home General Tin hopi demanda pa transfusion di sanger pero e cantidad di donadornan...

Tin hopi demanda pa transfusion di sanger pero e cantidad di donadornan ta insuficiente

0
0
SHARE
- Advertisement -

Zorg Manager Aixa Arana-de Veer:

ORANJESTAD (AAN) – Aixa Arana-de Veer, Zorg Manager di Banco di Sanger, durante un encuentro cu prensa diaranzon mainta, duna un splicacion  tocante e proyecto yama “The traveling blood bag” cu e Stichting Bloedbank Aruba y AZV ta introduciendo.

Manera ta conoci, durante e ultimo añanan Banco di Sanger ta hibando un campaña pa atrae mas donador di sanger, y e “traveling blood bag” ta parti di e campaña aki.

E meta su tras ta pa na un manera creativo y diferente haya mas hende pa inscribi nan nomber, pa bira donador di sanger.

Cu e saconan di sanger cu ta esnan cu Banco di Sanger ta uza pa almacena e sanger cu e donador ta aporta, personanan di Banco di Sanger lo bishita diferente instancia, cuminzando cu AZV diaranzon mainta, cu e peticion pa na momento cu nan tey, yena e carchi cora cu nan nomber, ademas di e adres y e-mail, hinke den e saco di sanger y hinke den e saco.

E saconan lo keda den e lugar y personanan di Banco di Sanger lo pasa recauda nan cada tanto dia, y despues lo tuma contacto cu e personanan cu a meld pa bira donador, pa nan bay na Banco di Sanger pa pasa door di un test pa wak si nan por bin na remarca den futuro.

Sra. Arana- de Veer a menciona cu e demanda pa sanger ta grandi. Aña pasa tabata tin mas cu dos mil transfusion cu nan mester a percura pa ta accesible, Esaki ta haci cu tin hopi presion riba e grupo chikito di donadornan cu tin, cu no ta suficiente pa e necesidad existente.

Por ehemplo si antes tabata yama un donador entre dos pa tres biaha pa aña, awor e ta wordo yama cuater biaha anualmente.

Pa tal motibo, obligatoriamente mester redobla e cantidad di donadornan pa alivia e peso cu tin riba e esnan cu actualmente Banco di Sanger tin.

- Advertisement -

DUNA COMENTARIO

Please enter your comment!
Please enter your name here