Archivo di June, 2014

Team Big League di Aruba a finaliza na di tres lugar

Publication: Monday, 30 June 2014. Categoria: General

Na Guatemala:

ORANJESTAD (AAN): E team di Big League a logra yega na di tres lugar den e Campeonato Latino Americano na Guatemala, y na nan yegada na Aruba a ser ricibi pa Miss Teen SeNd Production, Kiarah Salazar.

E muchanan di Aruba a duna un bon prestacion riba tereno. E team di Venezuela a bira campeon, y Guatemala mes a keda na di dos lugar.

Team U-11 a bin bek Aruba cu copa di Sub-Campeon

Publication: Monday, 30 June 2014. Categoria: General

ORANJESTAD (AAN): Den fin di siman a tuma lugar na Curaçao, e Campeonato ABCS internacional pa hobennan di futbol U-11.

   E team di Aruba, bao liderato di Buchi ‘Panama’ Rasmijn y demas coaches, incluyendo Naiks Rasmijn, a sa di duna bon guia, y asina e hobennan di Aruba a bin cu e titulo di Sub Campeon di “Torneo Kopa Internacional Jo Mathilda”.  E ultimo wega a ser hunga na tereno di SV Vesta na Santa Maria.

   Diadomingo anochi nan a yega bek, y aki por mira momento cu e team a yega feliz y contento na Aeropuerto.  Pabien na tur coaches, lider, y mayornan cu a viaha cu nan.

Equipo di Aruba pa Campeonato Latino Intermedia tambe na Corsow

Publication: Monday, 30 June 2014. Categoria: General

ORANJESTAD(AAN)– Fin di siman a biaha tambe pa Corsow e equipo di Aruba pa participa den e Campeonato Latino Regional di baseball Intermedia (11 pa 13 aña).

Di e equipo aki ta spera di haya resultado awe pa sa tocante nan participacion den e torneo te awor. E torneo ta caba dia 6 di juli.

Servicio di Inmigracion na Aeropuerto brindando servicio limita

Publication: Monday, 30 June 2014. Categoria: General

ORANJESTAD   (AAN): “Nos no ta den accion, nos ta djis trahando nos oranan manera mester ta”, asina un empleado di Inmigracion na Aeropuerto a splica den fin di siman.

Esaki relaciona cu filanan largo y scarcedad di trahado pa atende turistanan saliendo of yegando nos isla. Ta parse cu e decision di Gobierno pa corta den overtime tin su repercucion pa cu funcionamento di e departamento.

   Cu falta di fondo den presupuesto di overtime y pa cumpra “bon” di cuminda pa e trahadonan, a opta pa no paga “overtime” den e ultimo salario di trahadonan na luna di juni ultimo.

Problema interno di Fraccion di MEP no mester bira un problema di henter Parlamento

Publication: Monday, 30 June 2014. Categoria: General

Presidente di Parlamento Marisol Lopez Tromp:

ORANJESTAD   (AAN):   Na final di e reunion di tratamento di presupuesto, presidente di parlamento drs Marisol Lopez Tromp a duna un comentario unda cu el a bai riba e nivel y conducta den sala di parlamento. Lopez Tromp a trece dilanti cu e ta haya hopi comentario di hobennan riba e comportacion di parlamentarionan den sala di parlamento unda cu ta grita duro den sala, ta papia ora cu no ta nan turno, ta insulta otro, groseria y palabranan insultativo contra otro parlamentarionan y presidente di parlamento. Lopez Tromp no ta mira e motibo pa papia di e forma aki den parlamento. 

   Si wak e profesion di esnan cu ta comporta nan mes asina, manera abogado, empleado di MOT of otro funcionnan representativo den comunidad, bo lo spera un comportacion riba un nivel mas eleva y bo ta spera cu e hendenan aki lo sa con pa hiba un reunion efectivo y profesional.

Por Spera Accion Na Imigracion Aeropuerto

Publication: Monday, 30 June 2014. Categoria: General

Si diahuebs no paga overtime di trahadornan

ORANJESTAD(AAN)– Sin overtime no por maneha Imigracion si mira cifranan so pero e realidad ta mustra otro mirando e situacion di trabao.

Pa loke ta e realidad financiero, ora cu a bin cambio den maneho, Rudy Kelly a baha cu pensioen y Gerald Fingal a asumi e puesto di director, a bin topa cu Inmigracion sin presupuesto traha pa aña 2014.

Departamento di Finansa di Gobierno a “asumi” e suma pa overtime, cu un reduccion substancial, mescos tambe pa e “overtime meal vouchers”, esta bon di cuminda pa esunnan cu traha overtime. 

Ladronnan a kibra drenta y horta caha fuerte na Taco Bell Sasaki

Publication: Monday, 30 June 2014. Categoria: Policial

ORANJESTAD   (AAN):  Diadomingo mainta presencia di polis a wordo pidi na Taco Bell Sasaki. E prome informe tabata papia di hopi destruccion den e negoshi. Ora polis a yega a resulta cu ta un caso di ladronicia cu basta daño cometi riba e negoshi tambe.

   Via e bentana di Drive Thru e ladronnan a drenta despues di kibra esaki. A reboltea den e negoshi unda a kere cu lo tin placa. E caha usa pa pone placa di benta di dia a disparce. Tambe e ladronnan a bai cu parti di cashregister cu ta pone placa. Di tres diferente caha di placa a coba.

    Polis a tuma declaracion. Por a tende cu e alarma no a wordo activa den oranan di anochi despues cu a sera e restaurant. Esun cu mester a haci esaki sea a lubida of e no a activa. Ta mainta nan a bin topa cu e sorpresa.

    Polisnan a avisa cuerpo tecnico pa presenta na e sitio. Esnan cu ta maneha e restaurant a pidi polis pa porfabor e personal di cuerpo tecnico yega rapido. E motibo di e peticion aki tin di haber cu e ultimo ladronicia cu a tuma lugar cu a dura cuater ora pa cuerpo tecnico yega pa investiga. Esaki ta stroba nan benta.

   Esnan encarga cu e negoshi a bisa mesora cu si cuerpo tecnico tarda un ora nan lo ruim op y habri e restaurant. No ta conoci si tin camara di seguridad pa graba.

Accidente serio na Savaneta diasabra anochi

Publication: Monday, 30 June 2014. Categoria: Policial

ORANJESTAD   (AAN): Dos auto a dal frontal den otro diasabra anochi alrededor di 9:52pm na Savaneta, na altura di Ice Berg. E impacto tabata asina fuerte cu tabatin 5 herido envolvi, di cual 2 di nan a keda pega den auto pa cual a nota presencia di Polis, Cuerpo di Rescate di Bombero y Ambulance na e sitio. 

Parlamento Hubenil ta presenta oficialmente Summer Courses 2014!

Publication: Monday, 30 June 2014. Categoria: General

 “Summer Courses, mas mihor y mas grandi cu nunca!”

ORANJESTAD   (AAN):   Pa di cuater aña consecutivo, Fundacion Parlamento Hubenil Aruba ta presenta un di nan proyectonan mas grandi y importante, ‘Summer Courses 2014’. Un proyecto cu tabata iniciativa di e minister hubenil di Educacion di aña 2010, awor ta uno di e proyectonan clave pa e fundacion.

   Pa solamente awg. 15,= pa tur tres dia, abo lo por participa den e Summer Courses 2014 cual lo tuma lugar riba e dianan 08, 09 y 10 Juli 2014 di 8or di mainta pa 1or di atardi na e Auditorium di Colegio E.P.I. Aña pa aña e comision organisador cual ta varia den e miembronan di Parlamento Hubenil ta traha sumamente duro pa presenta un proyecto di alto nivel y di calidad y siguramente e aña aki esaki no lo ta un excepcion.

Como 93% number di auto registra a cumpli cu pago

Publication: Monday, 30 June 2014. Categoria: General

Awe Dialuna ta ultimo dia pa paga di tres cuartal

ORANJESTAD(AAN): Den un entrevista cu Meverly Romano, vocero di Servicio di Impuesto, el a informa cu pa awe Dialuna e di tres kwartaal di e belasting di auto pa 2014 mester ta paga.

Esaki ta nifica cu awo cu e fecha ta venciendo no mester straña ningun persona cu bay paga e impuesto aki, haya su mes den un fila basta largo.

Departamento di Impuesto tin registra 65.171 vehiculo registra di cual 93% a cumpli cu nan pago manera ley ta exigi. E 7 porciento cu no a cumpli cu nan pago aki ta 4840 cliente, di cual 1526 cliente no a paga nada pa 2014 ainda, pues ni e prome kwartaal.

Pa e di tres kwartaal cu ta venciendo, tin 16.965 cliente cu mester realisa nan pago pa dialuna, 30 di juni, cual ta worde considera toch un cantidad basta grandi.

Minister Oduber a reuni cu alto ehecutivo di The Ritz Carlton

Publication: Monday, 30 June 2014. Categoria: General

ORANJESTAD (AAN): Diahuebs mainta Minister Otmar Oduber tabatin un reunion cu Katharine Monahan, Market Vice President di The Ritz Carlton. Mester bisa cu e reunion a bay den hopi bon ambiente unda cu e mandatario y e ehecutivo di e cadena di hotel a intercambia di opinion riba diferente punto.

   Un di e puntonan principal riba cual a conversa ta e importancia di por conta cu un Ritz Carlton na Aruba, cual ta contribui na eleva e calidad di e producto cu nos ta ofrece na nos bishitantenan.

PDR a presenta un mocion historico pa impulsa nos economia den un rumbo nobo

Publication: Monday, 30 June 2014. Categoria: Politica

El a wordo aproba unaninamente:

ORANJESTAD (AAN) – Parlamentario mr. Andin Bikker, a señala den conferencia semanal di prensa, cu durante e tratamento di presupuesto 2014 fraccion di PDR a presenta un mocion historico, cu ta un di e prome pasonan pa un economia nobo di nos pais.

Diferente gobierno a papia di dje pero no a logra y PDR a dicidi pa bin cu un mocion y duna un aporte positivo den e direccion aki.

E parlamentario a duna un splicacion tocante kico e mocion aki ta encera. Esaki ta cu dentro di cuater luna, gobierno mester presenta un plan na Parlamento den cual nan ta describi cual ta e tratadonan fiscal di belasting internacion, y tambe di comercio cu nos pais lo bay concentra durante e proximo dos añanan aki.

E añanan muchanan cu a sali bende rifa a pasa den mal experiencia

Publication: Monday, 30 June 2014. Categoria: General

ORANJESTAD (AAN) – Pa e siguiente aña escolar, ora cu tin algun actividad escolar of deportivo, pa cual mester recauda fondo y ta pone e muchanan sali afo bende rifa, hopi mucha no ta bay haci esaki mas.

Asina nos redaccion a haya sa di un mayor, cu a trece e tema aki cerca nos. Ta tristo di mira e muchanan para dilanti porta di un of otro supermercado pa ofrece e rifa y tende mas tanto “awor aki no…” cu nan por bende algo.

Masha tiki hende ta cumpra ora e rifa ta costa cinco florin, si e ta diez florin of mas, bon por ta cu nan no ta bende ni un ticket mes!

Deporte

Publication: Monday, 30 June 2014. Categoria: Deporte

Cumpleaños Dialuna 30 Juni 2014

Publication: Monday, 30 June 2014. Categoria: Cumpleaños

😀 😀 😀 😀 😀 😀 😀 😀 😀 😀 😀 😀 😀 😀

Feliz cumpleaños

te deseamos

brujita

de tus amigas de la

ARUBA 2..

que la pases

super rico.

Deja nos saber

 donde esta

el trip.

Hoy se bebe.

😀 😀 😀 😀 😀 😀 😀 😀 😀 😀 😀 😀 😀 😀