Home General Ambtenaar ta paga hopi na belasting, ta yuda paga bijstand y tur...

Ambtenaar ta paga hopi na belasting, ta yuda paga bijstand y tur minister y parlamentario!

0
0
SHARE
- Advertisement -

Mas reaccion riba BH:

ORANJESTAD (AAN) – Mas reaccion a drenta na nos mesa di redaccion door di trahadornan di sector publico, cu ta sinti nan mes ofendi pa e forma con cierto parlamentario cu su nomber mas uza ta pas den inicialnan BH, a papia tocante e beneficionan cu empleadonan publico tin y cu esnan di sector priva no tin.

E empleadonan aki a menciona cu nan ta traha duro pa nan salario. Hopi hende ta habri nan boca na radio pa vocifera cosnan cu no ta cuadra cu realidad, contra e empleadonan publico y tristo ta cu hopi di esnan cu ta uza radio pa purba “caba cu nan” tin yiu, ruman, casa, cu ta traha pa gobierno, y nan ta sigur cu ora e placa drenta cas si tur hende ta habri man pa tume!

Esey ta tristo, cu politica barata, insinuacion y ofensa ta parti di e pan di cada dia hasta den casnan di famia unda un ta geel, otro berde, pero bibando bao mesun dak!

Nan ta pafo di gobierno y no ta weita kico ta pasa paden, pasobra “nan cu nan” (e politiconan e kiermen) ta masha bon cu otro, ta shake man tur mainta, ta touch schouder di otro pasobra nan ta bon brother! Pero e pueblo pafo si ta pleita manda palabra mahos pa otro na radio, ta falta respet di otro sin cu nan conoce otro mes, djis pa color politico.

BH no tin nada otro pa haci. Awor el a haya un issue usando e ambtenaarnan. Pero e ta lubida cu trahadornan publico ta contribui masha hopi mes cu belasting, ta boshi placa ta kita for di nan salario luna pa luna, nan tambe ta yuda paga onderstand pa esnan cu pa un of otro motibo no ta traha, y nan tambe ta yuda paga e salario barbaro di parlamentario y ministernan mes, pasobra nan ta haci comosifuera e placa aki ta sali di nan saco, pero e ta sali di saco di pueblo y esaki kiermen trahadornan di gobierno y di sector priva!

- Advertisement -

DUNA COMENTARIO

Please enter your comment!
Please enter your name here