Home General Aruba ta forma parti di Proyecto Small & Medium Enterprises hunto cu...

Aruba ta forma parti di Proyecto Small & Medium Enterprises hunto cu Caribe

0
0
SHARE
- Advertisement -

ORANJESTAD (AAN): Ultimo tempo Aruba ta enfocando hopi riba desaroyo economico y tambe dunando mas atencion den cuadro di desaroyo di empresanan chikito y mediano “SME” y actualmente a haya oportunidad pa forma parti di un proyecto hopi importante cu ta worde organiza y financia door di “Regional 10th European Development Fund” den cuadro di nos relacionnan cu Union Europeo.

E Proyecto SME ta titula “Strengthening the Development of Small and Medium Enterprises of the OCT’s in the Caribbean Region” y tin un costo total di EUR 15.000.000 pa tur isla conhuntamente.

   Obhetivo di e proyecto aki ta pa fortifica e desaroyo di empresanan chikito y mediano den region di Caribe, specificamente pa e Overseas Countries and Territories (OCTs) di habla Ingles y Hulandes, y tambe pa contribui na e diversificacion di economia y prosperidad di cada OCTs mehorando nan posicion competitivo den region y economia mundial.

   Islanan cu ta participa ta Aruba, Corsou, Sint Maarten, Bonaire, Saba, St. Eustatius, Anguilla, British Virgin Islands, Cayman Islands, Montserrat, Turks and Caicos Islands.

   Tin tres area di prioridad cu a worde identifica. E di prome ta pa mehora e capacidad y contribui na un miho maneho di gobierno pa asisti e sector economico door di mehora strategia riba SME y legislacion unda cu tin mester.

E segundo area di prioridad ta pa mehora calidad y servicio di Business Service Organizations manera Idea y Camara di Comercio door di training, introduccion di un sistema nobo di software,  y stimula un miho contacto den e region Caribense. E tercer area di prioridad ta pa promove un colaboracion mas estrecho cu organizacionnan existente den Caribe riba tereno di comercio y inversionnan door di participa na mas forum y eventonan cu ta worde organiza den e region. 

E proyecto ta den su fase di introduccion y dia 16 di juni e consultants Señora Diana Hendrickson-Flemming y Sr. Alexander Isings  a haci nan prome bishita na Aruba pa topa cu diferente organizacionan na Aruba manera Departamento di Asunto Economico, KvK, ATIA, AIB, ARINA y BEUK pa asina nan por traha un inventarisacion di prioridadnan pa cada isla cu ta forma parti di e proyecto. 

   Aruba ta worde representa na e comite (steering committee)  pa e Deputy Territorial Authorizing Officer (Departamento di Asuntonan Economico, Industria y Comercio) y Camara di Comercio.

- Advertisement -

DUNA COMENTARIO

Please enter your comment!
Please enter your name here