Home Politica Intervencion di parlamentario Ady Thijsen den reunionnan na Hulanda

Intervencion di parlamentario Ady Thijsen den reunionnan na Hulanda

0
0
SHARE
- Advertisement -

Fraccion MEP

ORANJESTAD    (AAN):   Durante e siman aki ta tumando lugar e reunionnan interparlamentario di tur pais den reino Hulandes. Tin diferente temanan cu ta wordo trata cual ta :hobennan, oportunidad economico den reino pero tambe e tema di integridad.

   Den un di e prome reunionnan cu a tuma lugar a papia over di e hobennan. E parlamentarionan cu a representa diferente fraccion y pais tabatin e oportunidad di por a hiba palabra. Remarcabel ta cu parlamentario Ady Thijsen a lanta para interviniendo den e reunion di Eerste kamer cu un declaracion fuerte pero alabes indicando e realidad amargo y cruel di nos pais Aruba. 

    E parlamentario a declara lo siguiente: ” Pa nos duna e hubentud un oportunidad real nos como parlamentarionan mester percura pa e situacion social economico financiero di nos Pais ta sano entre otro ora di aproba e presupuesto y maneho di e gobierno.

   E gobierno su prioridadnan mester ta enfoca riba creacion di un situacion social economico financiero sano pa asina crea oportunidad husto y real. Aruba su situacion social economico financiero ta malo. For di e rapport di CBS riba bestaansminimum di 2010 por mira cu un pareha cu 2 yiu mester 4200 florin pa por tin un bida digno y un mama soltera cu 2 yiu mester 3200 florin pa por biba. Si e minimumloon ta rond di 1600 florin, ta imposibel pa duna e mucha un bon oportunidad den bida. Si Gobierno no ta crea cupo di trabou e hubentud tampoco lo tin un oportunidad husto y real na Aruba. Mester bin un cambio den esaki”

   Mester bisa cu e declaracion aki a dal hopi duro den e reunionnan captando atencion di tur parlamentarionan di Reino. E berdad mester wordo bisa y asina parlamentario Ady Thijsen a trece un punto dilanti cu tur dia e comunidad por observa y ta biba den dje. E reunionnan ta continua henter e siman unda cu nos representantenan ta sobresali cu nan declaracionnan hasi. Nos fraccion sigur ta satisfecho manera e reunionnan ta bayendo na Hulanda y nos ta convenci cu treciendo e berdadnan dilanti ta mihor cu simplemente sconde nan manera e actual gobierno ta hasiendo.

- Advertisement -

DUNA COMENTARIO

Please enter your comment!
Please enter your name here