Home General Mensahe fuerte, importante y valido riba seguridad den nos bida

Mensahe fuerte, importante y valido riba seguridad den nos bida

2
0
SHARE
- Advertisement -

Minister di Labor drs. Paul Croes:

ORANJESTAD    (AAN):   Durante un conferencia organisa pa ACE Firm Engineering den Renaissance Conference Center Minister Paul Croes tabata invitado pa asina duna algun palabra na esnan presente.

     “Un conferencia cu basicamente ningun di e participantenan lo no lubida lihe. E conferencia aki a hasi mi mes mas consciente di e importancia di seguridad den tur aspecto di nos bida. E oradornan local y tambe internacional a laga un impresion grandi atras cerca mi y cerca e publico”, asina Minister Croes a enfatisa.

    Minister a enfatisa riba e importancia pa e procesonan di Arbowet y control riba e seguridad na pia di trabou por keda concretisa. “Leynan sin control, no tin sentido”, asina Minister Croes a declara.

Minister Croes a felicita e organisadornan, cu ta un team di hobennan dinamico di ACE Firm Engineering cu a presenta un conferencia sublime.

    Marlon Maduro hunto cu Rubiella Lampe Chikito a cuminsa cu un compania cu tin un par di luna den existencia despues cu nan a sali for di Valero. Mirando cu “safety” tabata semper un prioridad den nan trabao anterior nan a cuminsa traha mas ariba e tema aki cu nan clientenan mes.

    Despues di a yuda un par di compania cu e parti di seguridad na trabou, ACE firm Engineering a haya cu ta hopi importante pa trece concientisacion ariba seguridad den companianan por medio di un seminario. ACE Firm Engineering  por mira riba un dia fructifero cu un atendencia grandi di companianan di utilidad, construccion, hotelnan y priva cu manda nan empleadonan pa bira un tiki mas conciente riba seguridad na trabao.

      E mensahe central ta, pa nos ta hopi mas conciente riba tur aspecto di seguridad,  na pia di trabao, pero siguramente den nos bida. Den un seconde bo bida por cambia den un forma negativo. Un bida di un persona y su famia lo por cambia completamente pa motibo di un descuido den seguridad. Esaki ta net loke e orador principal Sr. Billy Robbins, cu a haya un accident durante su trabao y a perde su dos mannan, a pone enfasis.

     Sr. Robbins a papia di su sobrevivencia y curashi pa cambia un actitud pa sigui bai dilanti den bida. E cambio ey ta loke nos mester pone como prioridad pa mantene nos mes y famia uni apesar di un descuido laboral cu por a ocasiona un accident cu a pone bo cambia henter bo bida.

- Advertisement -

DUNA COMENTARIO

Please enter your comment!
Please enter your name here