Archivo di July, 2014

DOW a drenta den accion mesora pa regla problema di riolering

Publication: Thursday, 31 July 2014. Categoria: General

ORANJESTAD   (AAN): Diaranzon atardi laat pa anochi e personal di DOW a wordo avisa di e problema cu a presenta den e area di Royal Plaza. E awa sushi cu tabata pasa via tapa di riool tabata yena e caminda y saca un holo malo.

E problema aki ta causa pa motibo di vet y sushedadnan cu ta wordo manda den e sistema di riolering. DOW su personal a wordo activa y mesora nan a presenta cu nan ekipo. Nan ta conciente di e molester cu algo asina ta causa y sigur den un area turistico.

CMB ta join campaña di Bloed Bank pa registra donante

Publication: Thursday, 31 July 2014. Categoria: General

ORANJESTAD   (AAN): Diaranzon den oranan di atardi CMB oficialmente a lanza su mes como partner pa sostene e campaña di Bloed Bank pa bira donante di sanger. Poco poco Bloed Bank mes ta drentando diferente area den comunidad pa asina acumula personanan pa bira donante.

   Recientemente nan a reuni cu Asociacion di Banconan y despues di tabata na un banco comercial recientemente awor a yega tambe na CMB cu no a duda pa habri su portanan pa algo asina importante.

Prohibicion di saconan di plastic ta bay mehora nos condicion di bida

Publication: Thursday, 31 July 2014. Categoria: General

Ing. Gisbert Boekhoudt:

ORANJESTAD (AAN) – Ing. Gisbert Boekhoudt a duna di conoce, den entrevista cu Matutino DIARIO, cu asina leu cu Departamento di Medio Ambiente sa, Parlamento tin un concepto di ley cu ta den un etapa hopi leu, pa reglamenta uso di saconan di plastic.

E funcionario a menciona cu den e islanan ruman Curacao y Bonaire, nan tin esaki reglamenta y nan ta ehecute caba.

El a reitera cu pa nos medio ambiente e ta un solucion grandi, y e ley ta bay conta pa tur hende. Den pasado el a wordo regla pa algo economico, pero aworaki e ta bay conta pa henter pueblo.

Formulario di declaracion di Winstbelasting 2013 a sali

Publication: Thursday, 31 July 2014. Categoria: General

ORANJESTAD – Departamento di Impuesto ta informa cu e formularionan di declaracion (aangiftebiljet) di winstbelasting 2013 a sali. Ta trata di e formulario di declaracion pa empresa cu ta cay bou ley di winstbelasting manera un NV. E clientenan cu lo ricibi e formulario ta e empresanan estableci na Aruba, e empresanan den exterior cu tin entre otro establecimento permanente na Aruba y e companianan di seguro.

   E formulario di declaracion tin fecha oficial di otorgamento 15 di september 2014 y pa e fecha aki tur cliente mester a ricibi esaki. E clientenan ta haya 2 luna pa yena y entrega e formulario. E ultimo dia pa entrega e declaracion ta 17 di november 2014. Ta importante pa tene cuenta cu e termino di 2 luna aki, ya cu e cliente ta core riesgo di haya boet si no entrega e declaracion of si entrega esaki laat. E boet pa incumplimento ta minimo Afl. 250,- y maximo Afl. 10.000,-.

Desaroyadornan di Hard Rock tin te fin di Augustus pa keda cla cu financiamento

Publication: Thursday, 31 July 2014. Categoria: General

Minister Otmar Oduber: sino lo basha edificio abao y haci e lugar un beach publico

ORANJESTAD   (AAN): Ultimo dianan a bini dilanti un biaha mas e hecho cu ainda e grupo cu kier bini cu Hard Rock Hotel & Casino, unda antes Bushiri Hotel tabata situa, no a keda cla cu e financiamento. Minister Otmar Oduber a splica cu tin un documento di Aruban Investment Bank (AIB) cu ta bisa cu e garantia di dos miyon dollar cu nan a duna e desaroyadornan di e proyecto ta valido te cu fin di augustus.   

Ta pa e motibo aki tambe cu su persona envolvi den e proyecto, a duna e grupo te cu 16 di augustus pa keda cla cu financiamento. Esaki pasobra AIB a informa cu esaki ta e ultimo biaha cu ta extende  e garantia di 2 miyon dollar.  

Yamada pa tur ciudadano concerni bin busca nan auto confisca

Publication: Thursday, 31 July 2014. Categoria: Policial

Un di dos oportunidad diabierna awor den tur warda di polis:

ORANJESTAD (AAN) – Den entrevista cu funcionario policial, Liliana Rasmijn, ken ta e actual vocero di KPA, el a duna di conoce na Matutino DIARIO, cu diabierna awor dia 1 di Augustus lo tuma lugar e di dos kijkdag, entre 1’ or pa 4.30’ or di atardi.

Esaki lo sosode den tur warda di polis, esta Santa Cruz, Noord, Balashi y San Nicolas. Ora e persona yega na e warda concerni e ta puntra pa e hefe di dienst, pa asina e hendenan por haya chens di busca nan autonan.

Sra. Liliana Rasmijn a subraya cu tin hopi auto para den e wardanan di polis mientras cu no tin lugar mas pa pone mas auto. Pesey, Alto Mando ta pidi encarecidamente pa esnan concerni bin reclama nan autonan.

Probablemente Tiara Air ta reactiva su operacion completo pa fin di augustus

Publication: Thursday, 31 July 2014. Categoria: General

ORANJESTAD    (AAN): Despues cu Tiara Air a ricibi su prome di un serie di pago corespondiente aña 2013, nan a cuminsa cu e preparacionnan pa e aerolinea por cuminsa bula bek probablemente den un luna di tempo.

    Den combersacion cu Alejandro Muyale, director di Tiara Air, el a duna un splicacion di tur loke ta haciendo pa e aerolinea por reanuda su operacionnan mas pronto posibel pero den forma sigur. Recientemente e compania a yega na un acuerdo di pago cu Venezuela, pa tur loke nan mester haya di aña 2013.

   E acuerdo aki, cu a keda concretisa den luna di juni, ta encera cu lo bay haci e pago den seis “installment” di cual e prome parti a wordo ricibi den luna di juni caba.

Supermercadonan ta dispuesto pa ofrece tasnan duradero na lugar di saconan di plastic

Publication: Thursday, 31 July 2014. Categoria: General

Ing. Gisbert Boekhoudt di Medio Ambiente:

ORANJESTAD (AAN) – Den entrevista cu Matutino DIARIO, ing. Gisbert Boekhoudt, funcionario di Departamento di Medio Ambiente, el a referi na e proceso cu ta tumando lugar pa elimina e saconan di plastic cu e consumidornan ta haya den tienda y supermercado.

Ing. Boekhoudt a expresa cu for di hopi tempo caba e saconan di plastic ta un molester, y ta haci daño na nos medio ambiente pasobra e tin efecto riba diferente organismo tanto riba tera como den lama.

Directie Financien lo no haci pago cash mas entrante 1 di augustus

Publication: Thursday, 31 July 2014. Categoria: General

ORANJESTAD (AAN): Entrante 1 di Augustus 2014 Directie Financiën ta introduci un sistema nobo di pago y lo no efectua transaccionnan di pago cu placa efectivo (“Cash”) y tampoco via check mas.

  Tur pago na Directie Financiën por ser efectua den e siguiente formanan:
Personalmente na Front Office Directie Financiën por medio di Maestro Debit Card of pa medio di transferencia bancario riba e siguiente cuentanan na nomber di Directie Financiën:

“Si mester haci ahuste, e mester bay na un manera husto”

Publication: Thursday, 31 July 2014. Categoria: General

Minister di Finanza Angel Bermudez:

ORANJESTAD    (AAN): E siman aki sr. Angel Bermudez a wordo huramenta y presenta como e persona cu awor ta ocupa e puesto di Minister di Finanza y Organisacion Gubernamental. Den un conferencia di prensa, el a csontesta varios pregunta cu tin di haber cu e maneho cu mester hiba riba tereno di finanza. Un di e prome aspectonan cu el a trece dilanti ta cu e no ta mete cu nada politico den disputanan cu por tin, pero si e ta kere cu si por tin cualkier recomendacion of idea di instancianan internacional, lo ta bon pa Aruba tuma esaki den consideracion.

   “Si e por yuda, ken ami ta pa no aplik’e,” el a duna di conoce. a mesun momento a bini tambe padilanti e asunto di presupusto 2015 cu lo mester wordo entrega denter di poco.

Certificado pa e curistanan cu a sigui “Document Management & Archief Management” I y II

Publication: Thursday, 31 July 2014. Categoria: General

ORANJESTAD (AAN): Diaranson 23 di Juli, Sr. Roy Brete, hefe di Bureau Interne Diensten a otorga certificadonan na 24 cursista, cu a sigui e curso y a pasa e examen exitosamente. Dies Cursista a ricibi certificado I y 14 cursista e certificado II.  E aña aki ta e di shete aña cu Bureau Interne Diensten ta facilita e curso pa tur e departamento di Gobierno.

   Señora Shannon Noguera a facilita curso I y Señora Filomena Semeleer curso II. Un curso cu ta hopi importante pa esnan cu ta traha cu documentonan.

Documentario cultural tocante musica di Reggae a causa un impacto

Publication: Thursday, 31 July 2014. Categoria: General

ORANJESTAD (AAN): Siman pasa e organizacion One Love Aruba a tene un screening di e documentario Journey to Jah na Cas di Cultura. E organizacion no a spera e reaccion masivo cu e pelicula aki a haya y pa e motibo aki ta ripiti e documentario e siman aki pa cumpli cu e demanda di publico.

  E documentario Journey to Jah ta conta e storia di dos artista di reggae mundialmente reconoci, Gentleman y Alborosie, un Aleman y un Italiano, cu a scohe pa bay biba na Jamaica. E documentario ta ilustra nan caminda di adaptacion na un pais cu no ta nan pais natal y tur e obstaculonan cu esaki ta trece hunto cu ne. 

Director di Toledo Zoo a haci investigacion di boa y cascabel na Aruba

Publication: Thursday, 31 July 2014. Categoria: General

Aruba ta proteha cascabel y no boa

ORANJESTAD  (AAN): For di aña pasa a bin cu un plan pa por colecta tur bao cu ta rond di Aruba. Sr. Salbador Franken cu ta hefe di e park ranger hunto cu su team mester a colecta tur  boa y mester specifica cada uno cu e dato na unda a haya e boa, kico ta e fecha y den cua situacion a haya e boa tambe.

  Segun Salbador mester warda tur boa den vriezer te dia cu representante di Toledo Zoo bin Aruba despues di tanto temporada pa asina analisa con boa ta biba y come na Aruba. E proceso aki a worde haci na januari, awor den fin di juli y lo regresa back pa fin di december pa asina por haci e investigacion tres biaha pa aña.

Cascabel ta original di Aruba y ta unico rond mundo

Publication: Thursday, 31 July 2014. Categoria: General

For di aña 1999 boa a drenta Aruba

ORANJESTAD (AAN): E investigacion di cascabel y boa ta hopi importante a Parke Arikok. Toldo Zoo ta trahando conhuntamente cu Aruba for di aña 1986 hopi mas prome cu Parke Arikok a desaroya su mes. Sinembargo e prioridad di Aruba y tambe Toledo Zoo ta e cascabel y no e boa.

Segun director di Toledo Zoo sr. Andy Odum ta duna di conoce cu e cascabel ta hopi special pa Aruba debi cu bo no ta haya un cascabel na ningun luga rond mundo cu no ta na Aruba.

   Debi cu e cascabel ta un bestia uniek na mundo a pone cu Toledo Zoo ta hopi interesa pa a sigui traha hunto cu Aruba. Den aña 1999 e boa a yega Aruba y tur hende a worde poni na altura.

IPA ta tene charla comunitario tocante uzo di lenga materno den enseñansa

Publication: Thursday, 31 July 2014. Categoria: General

ORANJESTAD    (AAN):   Den cuadro di un conferencia internacional di idioma cu ta tuma luga na Aruba di 5 pa 8 di augustus, IPA y su Centro di Investigacion y Desaroyo di Enseñansa (CIDE) ta organisa un charla comunitario cu e titulo:

Statratéjia di Ensinu di Kabuverdianu na un Kontestu di Variantis y di Variedadis Dialetal

Strategia di enseñansa di Caboverdiano den un contexto di variante y di variedad dialectal

   Den e charla, Profesor dr. Manuel Veiga, lo trata e situacion linguistico na Cabo Verde, dunando un bista di e proceso di desaroyo di e lenga crioyo aki desde su nacemento te awendia, como tambe su desafionan pa futuro.