Home General A cuminsa desmantela dak di asbest di edificio di Salubridad Publico

A cuminsa desmantela dak di asbest di edificio di Salubridad Publico

1
0
SHARE
- Advertisement -

ORANJESTAD   (AAN):  Wilmer Salazar den un declaracion duna a splicacion e procedura cu nan ta hibando pa desmantela un dak di asbest cu tin na un edificio patras di Salubridad Publico. El a splica cu ta trata aki di un edificio cu pa hopi aña a wordo uza pa microbiologia di Landslaboratorium cual dak ta di asbest.

Por medio di Departamento di Inspeccion Tecnico a busca un compania cu ta certifica pa realisa e tipo di trabounan aki. Di e control cu nan a bin ta haciendo riba e trabou, dokter Salazar a splica cu nan a sigui tur e aspectona di e protocol di DTI. A muha e asbest prome cu a cuminsa traha riba dje, pa evita cu e ta kibra y plama e stof den atmosfera.

Poco poco ta baha e material lora den plastiek pa evita cu e ta plama stof di asbest. E material ta wordo hiba dump pa wordo deshaci di e forma corecto. Y el a sigura cu esaki no ta wordo kibra. E control ta wordo haci door di DTI hunto cu Departamento di Salubridad Publico.

Salazar ta masha contento e forma tecnico cu a atende cu e asunto aki. Dr. Salazar a splica cu tin biaha nan sa participa hunto cu DTI y SVB pa control di edificionan cu tin material di asbest. Conhuntamente ta studia e forma pa deshaci di e asbest.

E edificio patras di Salubridad Publico ta un monument cu lo bay wordo renoba completamente pa crea un area di actividad pa Salubridad Publico, esta diferente seccion di e departamento aki lo wordo ubica den e edificio na final.

- Advertisement -

DUNA COMENTARIO

Please enter your comment!
Please enter your name here