Home General Cada persona cu bira donante di sanger, tin e posibilidad di salba...

Cada persona cu bira donante di sanger, tin e posibilidad di salba tres bida

0
0
SHARE
- Advertisement -

ORANJESTAD(AAN): Dialuna DIARIO den un entrevista cu Zorgmanager di Stichting Bloedbank Aruba Aixa Arana de Veer, a haya sa mas di e proyecto di Bloedbank, unda cu nan a yega na un acuerdo cu e banconan di Aruba, pa pone stand y duna informacion riba e importancia di bira donante di sanger.

Na e banco mes, esnan interesa pa bira donante, por yena e formularionan necesario.

Segun señora de Veer, e proyecto ta importante pa Bloedbank, como parti tambe di un proyecto grandi cu nan ta bezig cune, unda cu ta purbando di haya mas hende pa bira donante di sanger.

“Banconan ta curazon di nos pueblo, pasobra practicamente tur hende tin cu acudi na banco na cierto momento”, segun de Veer.

El a indica cu e banconan tin un interes grandi pa yuda, despues cu nan a wordo acerca.

Segun e zorgmanager di Stichting Bloedbank, e directornan di e diferente banconan a priminti tambe di promove e proyecto bao di nan empleadonan.

“Mi ta kere cu ta algo cu ta bay crece”.

“Ora cu nos a bon cu un proyecto similar na AZV nos a haya 21 inscripcion y 21 inscripcion ta keda 21 inscripcion”.

Esaki segun de Veer, kende a sigui bisa cu cada inscripcion ta importante.

El a splica cu cada persona cu bira donante tin e posibilidad di salba tres bida, pasobra di cada saco di sanger cu Bloedbank yena, nan por saca 3 producto diferente, cu ta di suma importancia den casonan di emergencia.

- Advertisement -

DUNA COMENTARIO

Please enter your comment!
Please enter your name here