Home Politica Confrontacion cu Hulanda pa falta di respet ta inevitabel

Confrontacion cu Hulanda pa falta di respet ta inevitabel

1
0
SHARE
- Advertisement -

ORANJESTAD(AAN): Minister di Finanzas, sr Juan David Irausquin su pasenshi cu Gobernador y Hulanda a caba siman pasa y diahuebs mainta pasenshi di Prome Minister Mike Eman cu Gobernador y Hulanda tambe a yega su fin. Awa a pasa hariña.

E decision descabeya di Gobernador pa no firma e ley di Presupuesto di pais Aruba pa 2014, a crea un situacion cu por ser cataloga como un falta di respet formal pa autonomia di e pais y pa cada ciudadano cu ta biba riba e isla bunita aki.

Mientras cu Gobierno di Aruba a bin ta haciendo su maximo esfuerso pa sali for di e impase crea pa Gobernador y Hulanda, di otro banda te cu dia di awe, no tin ningun argumento legal y concreto riba mesa, pa sostene y hustifica e decision tuma pa Gobernador Fredis Refunjol.

E falta di respet aki pa Aruba su autonomia a tuma un rumbo ainda mas serio ora cu Gobierno di Hulanda cu sosten di Gobernador, kier crea un comision cu lo tin cu dicidi kico ta pasa aki na Aruba, con cosnan tin cu ser atendi y di e forma aki ta trapa formalmente autonomia di nos isla cu for di 1986 ta autonomo den Reino Hulandes.

Un situacion di gran confusion sigur despues cu e esfuerso grandi di Minister Presidente Mike Eman a haci desde 2009, pa drecha e relacion entre partnernan den Reino Hulandes, ora cu esaki tabata pasando den su pio momentonan y cual esfuerso a ser reconoci na varios momento pa varios lider Hulandes.

Gobernador Refunjol, como representante di Rey Willem Alexander, a pone un lock formal riba desaroyo economico di Aruba, c’un decision cu ainda e no por splica corda hustifica.

Un postura cu a lanta un confrontacion innecesario entre Hulanda y Aruba, caminda nos isla ta un di e partnernan mas confiabel y mas respeta den Reino Hulandes.

Siman pasa Minister di Finansa Juan David Irausquin den un forma sin precedente den politica di pais Aruba, a manda un mensahe bon cla pa Gobernador, entregando su retiro ya cu e tabata responsabel pa e actuacion sin sentido di Gobernador Refunjol, mustrando den un forma contundente, cu “autoridad y responsablidad” ta cana man den man.

Mustrando un integridad sin igual Minister Irausquin a trata di demostra na Gobernador kico ta responsabilidad y kico ta autoridad, sacando su conclusion como Minister responsabel pa Presupuesto di pais Aruba y dirigiendo un mensahe cla pa Gobernador, cu su retiro como Gobernador tin cu cana man den man cu otro.

Gobierno di Aruba pa medio di Minister Presidente Eman y Minister di Finansa Irausquin, a trata di tur forma y cu hopi pasenshi pa atende cu e falta di respet demostra pa Gobernador Refunjol y tambe pa mandatarionan Hulandes, cu pa un of otro motibo, kier bay over na dicidi kico ta pasa den maneho di e isla di Aruba, violando tur regla y leynan existente cu Constitucion ta regla.

Awor cu diplomacia a faya formalmente na trece solucion den un situacion hopi amargo mes, mester bay over na asumi una otro posicion pa lucha y defende autonomia di pais Aruba, sigur si tuma na consideracion, cu desde introduccion di Status Aparte na 1986, pais Aruba no a ricibi sosten financiero alguno di madre patria Hulanda, contrario na otro islanan miembro di Reino Hulandes.

Pa permiti awor Gobernador Refunjol habri porta pa Hulanda bin mete den autonomia di e pais ta algo inaceptabel cu mester worde atendi formalmente pa defende e autonomia aki di nos pais.

 

- Advertisement -

DUNA COMENTARIO

Please enter your comment!
Please enter your name here