Home General Consulta cu bo dokter di cas pa e anticonceptivo adecua

Consulta cu bo dokter di cas pa e anticonceptivo adecua

2
0
SHARE
- Advertisement -

ORANJESTAD  (AAN): Un investigacion na 2013 a indica mayoria di nos miembronan ta worde recomenda pa bin Famia Planea door di un miembro di famia, amistad of docter di cas (‘mond-tot-mond’ reclame). Mirando esaki Famia Planea – cu sosten di Libresse (Martijn Trading) – a inicia un campaña pa bay traha mas estrecho cu e dokternan di cas.

E dokternan di cas a worde facilita cu un receta special pa asina por duna su recomendacion medico ariba e anticonceptivo cu ta mas apto pa e pashent su situacion. Alavez nos a distribui foyeto pa stimula e pashentnan durante su consulta pa papia cu su dokter di cas. Di e forma aki nos di Famia Planea kier logra stimula mas persona pa ta consciente ariba nan opcionnan ora nan kier planifica nan Famia y pa tene na cada momento e aspecto medico den consideracion.
Di nos banda, nos como Famia Planea ta ofrece consulta profesional tocante salud sexual y anticonceptivo, nos ta ofrece diferente tipo di anticonceptivo di calidad na nos miembronan via un contribuccion sumamente abou (compara si e persona mester bay busca nan ariba su mes) y finalmente nos ta conscientisa e comunidad completo ariba nan salud sexual. Desde januari pa juni nos organizacion a sa di conscientisa 3396 mucha y hoben na Aruba via e diferente schoolnan (basis, secundario y mbo). E edad di e muchanan aki ta varia di 10 pa 20 aña. Alavez e aña aki ta prome aña cu Famia Planea conhuntamente cu Fundacion Pa nos Muchanan y Tienda di Educacion a logra ofrece conscientisacion na e adultonan. Nos a logra conscientisa 260 adulto ariba diferente topico relata cu mucha y hoben. Finalmente nos kier stimula esunnan cu ta pensa pa planifica nan famia, pa consulta cu nan dokter di cas y asina den cooperacion cu nos di Famia Planea lo bo haya e miho forma pa por tin bo bida den control.

 

- Advertisement -

DUNA COMENTARIO

Please enter your comment!
Please enter your name here