Home General DIMAS ta trata 15 mil peticion y tin un entrada di 7.5...

DIMAS ta trata 15 mil peticion y tin un entrada di 7.5 miyon florin pa aña

7
0
SHARE
- Advertisement -

ORANJESTAD  (AAN):  DIMAS, e departamento encarga cu permiso di admision na Aruba, ta unda cu personanan cu ta bin isla pa traha y/of keda pa un periodo mas largo cu seis luna ta bay pa pidi e permisonan cu ta pertenece na nan situacion. E departamento aki ta trata 15 mil peticion pa aña.

Segun Director di DIMAS, esta Kathy Paskel, por a nota un caida den peticion pa prome permiso y extension di permisonan, pero un aumento den e peticionnan pa famia. Entre otro tambe DIMAS ta duna permiso na personanan cu ta desea di bin biba na nos isla como “rentenier”, o sea no ta traha na Aruba, pero ta biba di placa cu e persona tin den exterior of ta gana den exterior, por ehempel. DIMAS ta genera anualmente 7.5 miyon florin pa caha di gobierno for di “leges”, tarifanan cobra pa e diferente tiponan di permiso y gastonan administrativo, Paskel a añadi.

E suma aki no ta inclui e “waarborgsom”, pasobra e waarborgsom no ta un entrada pa gobierno, pero un suma di placa ekivalente na un ticket “one way” cu ta wordo poni como un deposito pa e dunado di trabao of e persona cu tin e permiso. E persona por aplica pa haya e suma aki bek ora cu e haya su “firma liber” of naturalisa, por ehempel. Tambe, e suma aki por wordo uza pa manda un persona bek su pais, si acaso, entre otro, el a keda Aruba sin e permiso cu ta cuadra cu su situacion y e wordo deteni pa Warda Nos Costa.

Paskel a comenta cu actualmente tin un proposicion cu a wordo haci nan minister di parti di DIMAS pa haci cambio di ley pa trece cambio den e tarifanan cu DIMAS ta cobra. Esaki ta encera tanto e reducccion di algun tarifa, como peticion pa hisa otro tarifanan.

 

 

- Advertisement -

DUNA COMENTARIO

Please enter your comment!
Please enter your name here