Home General GKMB ta extende e distancianan cu nan ta spuit pa combati virus...

GKMB ta extende e distancianan cu nan ta spuit pa combati virus di Chikungunya

2
0
SHARE
- Advertisement -

 

ORANJESTAD (AAN) – E Hefe di GKMB, a hiba palabra den conferencia di prensa, relaciona cu e situacion di e virus Chikungunya den e region di Caribe y na nos mes Isla.

Sr. Roque Dirksz a señala cu for di e prome caso cu a presenta na December, GKMB a dicidi pa cambia su estrategia aunke e transmisor ta e mesun sangura di dengue, esta Aedis Aegypti.

No obstante, pasobra ta trata di un virus nobo compara cu dengue, a dicidi pa bin cu un otro estrategia pa ta mas agresivo, den sentido cu no solamente nan ta controla e cas y rond di dje, manera ta e caso cu dengue cu nan ta expande na un radio di cien meter, y pa evita cu e plama den e bario, pa loke ta Chikungunya nan ta extende un radio mucho mas largo, casi un caya completo.

Fuera di esey GKMB ta haci un control severo y banda di dje nan ta fumiga, tin biaha, casi e bario completo. Nan haya casonan, por ehemplo na Sabana Liber, cu apesar cu ta un cas a dicidi pa fumiga Noord henter.

Awor cu tabata tin un caso na Savaneta, den e fin di siman a fumiga no solamente e cas y rond di dje, pero a hacie na henter e bario. Esaki den oranan di madruga cu no tin trafico, cu ta fresco, y cu e sangura ta moviendo. Entre 5’ or di madruga pa 7’ or di mainta ta un horario hopi bon cu por cubri mucho mas tereno cu den oranan di atardi cu tin hopi trafico den circulacion.

Tambe durante e spuitmento nan a tuma Savaneta completo, entre diabierna anochi pa diasabra madruga, pero apenas dialuna a habri nan a sigui vigila e area aki. Esaki ta un forma pa evita fumiga mas di locual mester ta. Tambe nan a aumenta e manera con nan ta mezcla insecticida, hacie un tiki mas fuerte locual ta importante.

E siman aki lo sigui monitor e situacion, ademas cu nan ta keda haya caso di dengue. Algo cu ta un poco fastioso ta cu no tur caso cu ta wordo raporta no ta refleha criadero. Den e casonan importa, ningun di nan tabata criadero den cas.

Ta masha importante pa nan haya informacion di personanan cu ta bishita, por ehemplo un wela cu no ta biba cerca pero cu nan ta frecuenta, pa asina amplia e areanan di fumigacion.

Diabierna siman pasa KGMB a haya su mes den un situacion fastioso unda cu nan a bay prepara pa spuit debi na un caso di virus, e doño di cas a wordo pidi pa keda den cas, pa no bay ningun otro caminda, pero lamentablemente e señora a bisa cu e ta bay unda cu e kier y a dicidi despues cu nan a spuit, sali bay.

GKMB ta pidi encarecidamente na e personanan cu tin e virus pa nan keda cas pa nan no wordo pica pa e sangura anto sigui plama e virus unda cu nan move bay. Esaki ta un yamada adicional cu sr. Roque Dirksz kier a haci.

 

- Advertisement -

DUNA COMENTARIO

Please enter your comment!
Please enter your name here