Home General Gobierno debe sector priva 150 miyon florin

Gobierno debe sector priva 150 miyon florin

0
0
SHARE
- Advertisement -

ORANJESTAD   (AAN): Ultimo lunanan por sinti un problema serio cu “cashflow” den comercio. Negoshinan tur ta keda di falta di likidez y negoshinan cu ta paga menos bon compara cu antes. Hopi negoshi ta amplia e tempo cu nan ta dura pa efectua pago y cantidad di nan ta duna motibo cu Gobierno debe nan.

For di un fuente bon na altura den Departamento di Finansa di Gobierno, a sali cu total Gobierno tin un debe acumula di mas o menos 150 miyon florin awor cu comercio, bou di e post di “goederen en diensten”. Ta trata di un lista largo di companianan cu ta sea bende producto cu Gobierno of ta brinda servicio.

 Gobierno normalmente ta paga despues di 90 dia, pero debi na retonan cu e presupuesto y pa por sigura un bon posicion di likidez, nan a opta pa wanta e pagonan desde algun luna pasa caba.

 For di sector priva ta siguiendo desaroyonan den gobernacion masha di cerca. Pasobra mientras cu den Parlamento y Conseho di Minister ta hungando politica, tambe entre Oranjestad y Den Haag, den sector priva e posicion di likidez ta serio y ta rekeri atencion y solucion rapido di parti di Gobierno. Asina cu cuminsa paga, lo alivia e situacion den comercio, cu ta pendiente tambe pa otro inversionnan cu a anuncia pa e aña aki pero cu ainda no tin fin di cuminsa.

- Advertisement -

DUNA COMENTARIO

Please enter your comment!
Please enter your name here