Home Policial Homber a suta su muher cu golpi den Yolastraat

Homber a suta su muher cu golpi den Yolastraat

2
0
SHARE
- Advertisement -

ORANJESTAD(AAN): Polis a worde manda basta pura den direccion di un cas den Yolastraat.

Aki a drenta informacion di un pelea di pareha caminda e homber ta batiendo e muher. Ora cu polis a yega ya caba e homber a bandona e cas. A topa si cu e muher cu tabata mustra malo.

Segun informacion tabata tin bisiña cu mester a interveni durante e agresion pa kita e criaturanan chikito bay cu nan pa evita cu nan tambe por a bira victima. Polis a pidi pa ambulance. Na yegada e personal di ambulance a bay mira e situacion y controla e muher den e cas.

Despues di control a puntre su e kier bay hospital. E muher a bisa cu e no ta interesa y cu mas despues riba su mes e lo busca yudanza na hospital si ta necesario.

No ta conoci si e muher lo entrega keho. Algun persona den vecindario a bisa cu ta costumber cu e muher ta bati e homber pero e biaha aki e tabata net lo contrario.

 

- Advertisement -

DUNA COMENTARIO

Please enter your comment!
Please enter your name here