Home General Impasse por caba den proximo oranan

Impasse por caba den proximo oranan

0
0
SHARE
- Advertisement -

ORANJESTAD    (AAN): Dialuna atardi laat a sali for di oficina di Gabinete di Gobernador secretario di Conseho di Minister Nicole Hoevertsz cu informacion relevante. El a duna indicacion cu tin un posibilidad considerabel cu e impasse entre gobiernonan di Aruba y Hulanda por caba den e proximo oranan. 

   Hoevertsz a señala cu tin un proposicion cu tur partido ta di acuerdo cune, refiriendo na Gabinete Rutte, Gobernador y Gabinete Eman II. Actualmente ta canando e canal debido pa esaki wordo firma lo mas pronto posibel.

   E Secretario di Conseho di Minister a bisa cu e posibilidad tey cu e welga di hamber ta caba den e proximo oranan. E documento ta uno caminda tin diferente punto. E draft cu a wordo acorda dialuna atardi a wordo presenta na prome minister Mike Eman.

   Aki e prome mandatario despues di pasa den e documento a haci cambionan y e cambionan aki un biaha mas mester a bai pa partidonan di parti di Hulanda pa mira si nan ta di acuerdo cune. Poco poco tin señalnan positivo y prome minister a pidi e soldatnan un tiki pasenshi pasobra ainda no a yega na e solucion.

- Advertisement -

DUNA COMENTARIO

Please enter your comment!
Please enter your name here