Miembro di Arumil a ranca palo di luz y drenta cura

ORANJESTAD(AAN): Un miembro di Arumil a accidenta cu auto den oranan di atardi. Esaki a sosode net pega cu Savaneta Kamp mes.

E chauffeur a bisa cu auto a perde control. Dimes e velocidad a pone cu e no por a controla e auto. Tin keho mas biaha riba e forma cu e hobennan aki sa sali bay cu auto despues di trabao. No ta prome cu ta accidenta. E biaha aki esun aki a sali duro sigur y auto a slip sin cu e por a controla esaki. Aki el a bay dal ranca palo di luz y drenta tereno di otro persona.

E habitante di e tereno tabata hopi rabia cu loke a pasa. Polis a investiga e caso aki.