Persona ta Cana cu arma Na altura di Plaza Copa Mundial

ORANJESTAD (AAN): Mientras tanto cu tur hende tabata presencia wega di Futbol, un persona cu practicamente nada di haci, a opta pa cana den Caya Betico Croes cu un cuchio den su poder. Varios yamada a drenta y tur hende tabata informa Polis cu un persona bisti na Cora tabata cana cu un arma den su poder. Na momento cu e persona a mira Polis, el a opta pa huy y purba pa scapa di Polis, Polis a logra pa detene su persona den Caya Emmastraat. A listra su persona, pero no a encontra ningun arma riba e persona. Polis a opta pa detene su persona y hibe Warda di Polis pa asina cuestiona su persona.