Home General School Frere Bonifacius ta keda den noticia cu presencia di chollernan

School Frere Bonifacius ta keda den noticia cu presencia di chollernan

2
0
SHARE
- Advertisement -

ORANJESTAD(AAN): Diadomingo mainta polisnan a bay den direccion di e school bandona Frere Bonifacius den Playa.

E school aki mirando su condicion a haci cu mester a saca e studiantenan y manda nan otro localidad pa por haya les. Ta wardando riba e dia cu lo renoba e school. Di otro banda mester bisa cu lo tin un posibel disputa riba e school aki entre SKOA, Obispado y Gobierno.

Esaki ta haci e proceso mas largo. Ademas e tereno a bira chikito pa e school y ta intencion di gobierno pa busca otro localidad mas grandi pa traha un school basico.

Mientrastanto e ladronnan si no ta para keto. Cos di horta no tin na e school pero e chollernan si ta usa e school como nan lugar di sconde y usa droga of pasa nan oranan di sosiego. Diadomingo mainta polis a worde yama pasobra nan lo ta hortando. Na yegada a haya e candal kibra. Den dia sa tin security na e school pero e no ta 24/7 presente. Den algun local por mira claramente cu tin presencia di choller y parce den e area varios cas a cuminsa bira victima di e chollernan aki cu ta cuminsa horta den e area tambe. Algo mester worde haci rapidamente pasobra net den mesun vecindario practicamente grens cu school Frere Bonifacius tin un dos school full renoba cu mayan tambe por bira victima di e bishitantenan indesea cu tin awor aki na Frere Bonifacius. Hopi biaha a purba pone extra lock ora kibra esaki pero e chollernan ta keda drenta.

 

- Advertisement -

DUNA COMENTARIO

Please enter your comment!
Please enter your name here