Home General Tin mas hotel tin keho cu e situacion dilanti hotelnan ta bayendo...

Tin mas hotel tin keho cu e situacion dilanti hotelnan ta bayendo for di man

0
0
SHARE
- Advertisement -

ORANJESTAD   (AAN): Durante e encuentro cu gerencia di Radisson y prensa, e gerente Mark Lyttleton Frances, a splica cu den combersacion cu otro hotelnan tin ta confrontando e mesun problema, cu ta dos na Eaglebeach  y uno na Palmbeach, tambe a confirma mesun situacion aki cu ta bayendo totalmente for di man. “Bo por wak e problema aki den diferente forma.

Bo por wak como un problema di un institucion grandi cu kier kibra e homber chikito, pero bo por wak tambe cu si permiti e homber chikito aki sigui haci loke e ta haciendo, mas y mas hende trahando den e institucionnan grandi aki, lo bay perde nan trabou pa motibo cu e entradanan ta bay cay pa e situacion cu tin.

Radisson ta un institucion cu ta aki for di 1959, y si permiti un negoshi cu 6 trahado ilegal riba beach causando perdida pa un institucion asina tradicional manera esaki, no ta corecto.

Sr Lyttleton a mustra cu doño di e negoshi chikito aki tin derecho di gana su placa, ta su derecho pa haya un entrada y na varios ocasion a ser bisa cu lo kier core cune, pero esaki no ta corecto, e por keda, e por tin su negoshi pero no ta corecto cu e ta abusando cu su negoshi causando daño na instucionnan asina bieu y grandi cu tin riba beachnan.

E gerente general di Radisson a mustra cu autoridadnan policial ta haciendo lo maximo, nan ta sostene tur e esfuerso aki pero e no ta suficiente ya cu tin ora ta detene algun di e hendenan aki, pero e dia siguiente nan ta bek na e mesun sitio.

Na mes momento tin un problema cu “dealernan” ya caminda cu tin demanda tin e hendenan aki cu ta bira un problema ya cu nan lo kier haci uzo di facildadnan cu tur consecuencia cu esaki por tin. “Si nos no drecha e producto Aruba, no ta importante con bon e producto Radisson ta. E turistanan lo no bin ya cu e producto Aruba no ta bon,” e gerente general a mustra su preocupacion.

Na mes momento Radisson a yega di mustra na un delegacion di Parlamento, cu e hotel ta dispuesto pa coopera pa traha facilidadnan di toilet pa turistanan crucero si esaki ta necesario pero e abuso a bay asina ley cu Radisson mester a cuminsa pone su toiletnan riba candal pa evita cu e abuso ta continua. “Nos tin cu atende cu tur e problemanan aki, ya cu ni maske con chikito e problema por ta, e  daño cu e ta causa ta un problema serio y ta pone den peliger trabou di  otro trahadonan,” sr Lyttleton a mustra.

- Advertisement -

DUNA COMENTARIO

Please enter your comment!
Please enter your name here