ORANJESTAD(AAN): Diadomingo madruga cu urgencia varios patruya y Ambulance a presenta na e cruzada dilanti Super Food pa un accidente cu a tuma lugar cu varios herido.
E accidente a tuma lugar entre un Kia Rio y un Suzuki Swift na unda cu varios persona a resulta herida y cu tabata tin mester di atencion medico. Ambulance cua presenta na e lugar a cuminsa trata cu esnan herida.
Durante cu personal di Ambulance tabata ocupa ta brinda asistencia medico, un turista bao influencia a dicidi pa tira un boter di alcohol den laira cu na momento cu el a cay, el a hera dal e personal di Ambulance.
Polis no a pensa dos biaha y a bay hala e persona aki su atencion cu na su turno a informa Polis cu accidentalmente el a tira e boter. Ambulance a transporta e heridonan pa Hospitaal, mientras cu Polis di Trafico a sera e caminda pa asina investiga con e accidente a tuma lugar.
