Home Hudicial Castigo di 12 aña duna pa asesinato cerca di Café Capri

Castigo di 12 aña duna pa asesinato cerca di Café Capri

2
0
SHARE
- Advertisement -

ORANJESTAD   (AAN): Diabierna e sospechosonan R.G.B, M.F.P y M.S.Q.B a presenta dilanti di huez na corte di husticia, pa scucha e veredicto di huez den nan caso.

Nan a wordo acusa di violencia publico, cu a resulta tambe den morto di un persona.

E persona a wordo asesina cu tiro, cerca di e establecimento nocturno Café Capri den marduga di 2 pa 3 di Maart, cu ta despues di e ultimo parada di Carnaval di 2013.

Ta asina cu den Café Capri na dado momento a bin un problema entre algun persona y un pelea a start.

E victima na dado momento tabata pafo di e establecimento y R.B, M.P y M.Q.B a core su tras.

Testigonan a indica cu nan a wak un di e personanan cu un arma di candela y na dado momento curpa di e victima a wordo haya cu diferente tiro na su curpa benta den un lugar cu entre otro ta hasi trabaonan di welder.

Investigacion di autoridadnan a mustra mesora cu M.Q.B tabata e sospechoso principal, esta cu e ta esun cu a tira e persona mata cu sanger frieu.

Huez a tuma su tempo pa repasa e procesverbal di polis y hasi varios pregunta na e sospechosonan.

E unico cu no a contesta pregunta tabata M.Q.S, kende a hasi uso di su derecho di keda keto.

Acusado R.B a bisa cu segun e, ta M.Q.B lo a tira e persona mata, pero cu e no ta sigur.

Fiscal Diabierna a presenta e evidencia y e acusacionnan, despues di cual el a bin cu su exigencia di castigo.

Entre otro el a mustra riba e hecho cu tin un video riba cual claramente por wak cu ta M.Q.B ta esun cu e arma di candela den man.

El a haya M.P y R.B culpable di violencia publico cu despues a resulta den morto di hende y a exigi contra R.B un castigo di 12 luna, di cual 3 luna ta condicional.

Contra M.P el a exigi 18 luna di cual 6 ta condicional.

Como cu fiscal a haya cu tin suficiente prueba pa mustra cu ta M.Q.B a asesina e persona, el a exigi un castigo incondicional contra dje di 14 aña.

Diabierna huez a dicidi di duna tanto R.G.B como tambe M.F.P, un castigo di 12 luna, di cual 3 luna ta condicional.

Esaki den un tempo di prueba di 3 aña.

Pa loke ta M.S.Q.B, fiscal a exigi 14 aña di castigo, pero huez a dune 12 aña.

- Advertisement -

DUNA COMENTARIO

Please enter your comment!
Please enter your name here