Home Editorial EDITORIAL: E CASO DI KENNETH VS DIARIO

EDITORIAL: E CASO DI KENNETH VS DIARIO

4
0
SHARE
- Advertisement -

Ayera Huez NoordHuizen a dicta sentencia den e caso cu Kenneth a lanta contra DIARIO, pa tapa pa su casa Evelyn cu tabata demasiado cobarde pa hacie e mes, y pa sconde e envolvimento di Hendrik Croes, e elemento mas maligno y di mayor maldad cu nos isla a yega di produci. El a bay radio ayera pa yamami un porco, pero el a lubida cu si acaso mi ta un  porco, anto mi ta un porco di raza, y e mes porta un porco di chiké, cu tinainda riba dje e holo inmundo di su mesun porkerianan. E publicacionnan reciente di su envolvimento cu Ocando, Sanchez, etc., y su guera contra e dos fiscalnan Hulandes, Hoogland y Wijland pasobra nan a nenga di obedece pa pone e narcotraficante Sanchez den Libertad, y su funcion como Polis Venezolano siendo Ministro di Husticia den Reino, ta califike como tal.

Den e sentencia di Huez nos ta prohibi pa haci comentario riba e sentencia mes, loke nos ta respeta y ta pone loke Huez a ordena tal manera cu el a ordene. Pero corda cu ta Huez a obliganos pone nan, no pasobra nos ta di acuerdo cu nan. Al contrario. Mi ta haya, personalmente, cu Huez Noordhuizen, sinembargo, a profundiza su mes hopi den e caso y a bin cu argumentonan aparentemente valido riba diferente topico. Ey nos no tin nada di reclame. Ademas, no ta asina cu Kenneth a djis gana e caso, pasobra el a perde tambe riba e puntonan mas importante cu el a pidi Huez. Pa cuminza e no por a scapa Evelyn, e no a haya loke el a pidi, o sea 25 mil florin di “Adelanto”, e no por a prohibi DIARIO di antemano pa no haci comentarionan cu e no a specifica, y riba cual Huez Noordhuizen a sentencia corectamente, y varios otro punto di interes cu e no por a logra. Pa cera nos boca tin mester di hopi mas cu un caso di prueba pa purba scapa su casa.

Nos no tin mester di warda e betekening, ya cu nos ta custumbra di obedece e ordennan di Huez sin lamento y sin keho, pesey awe mes nan a sali riba front page y pagina 2, y DIARIO online. Nos ta contento cu e sentencia pasobra pa loke ta trata Evelyn el akeda mes mal para cu henter e asunto financiero den cual e ta envolvi sin por sali. Y e no kere ni pa un instante cu nos no ta bay sigui riba dje te ora e duna e splicacionnan cu ta bin al caso y admiti cu e cuenta ta di dje, cu  el a lanta placa manera cu el a haya ta bon, y cu ta trata di transaccionnan hopi iregular pa un Parlamentario cu mester a declare oficialmente na Parlamento. Ey no ta bay tin fin te ora e bati un “mea culpa” riba su pecho. Pa loke ta trata su tata, Hendrik, pe nos tin un acumulacion di hechonan iregular y censurable cu ta bay laga te hasta e mes babuca.

Loke mi kier trece pa dilanti bon cla den e editorial aki no ta comentarionan adverso na e dictum di Huez Noordhuizen, sino cu mi ta completamente di acuerdo cu e argumentonan cu el a usa pa splica su decision riba e puntonan mas debil cu Kenneth tabata kier, cu excepcion di e cuestion di laba placa, pasobra den ningun articulo DIARIO  a ACUSA ningun hende di ta labando placa. Un speculacion, of opinion, of creencia no ta un hecho constata! Sinembargo e Huez a rechaza e exigencianan mas grandi di Kenneth. Ningun hende por pidi Huez, y Huez no por tampoco prohibi di antemano cualke articulo cu  un medio di comunicacion kier publica, sin conoce su contenido. Mi tin un sentencia di Hoge Raad al respecto!

Awor e asunto a drenta otro dimension, cu ta inclui Evelyn directamente, te dia cu e dicidi di mustra honestidad y splica e asunto di depositonan y labamento di placa grandi satisfactoriamente na Pueblo. E no por representa un parti di djes condiendo tras di su casa manera un cobarde, y dal tur clase di bueltamanera un tromp, pa purbasacacurpa di un cos cu solamentesuhonestidad (si el a kedamaske ta cu un ‘tiki’ di dje) na e parti di Pueblo cu a votapey tambenahenter Pueblo cu merece e berdad. Ta awor e mesterdemostracurashi y loke a kede di integridad, siacaso e kier pone un fin na e avalancha di cuestionamentonancu tanacamindape.

RECTIFICACION

DIARIO ta rectifica acusacion sin base contra Sr. Kenneth
Wever

Den edicionnan di 20, 23, 24, 25, 29 di September 2014 y 16
di Oktober 2014 a sali publica den “Diario” varios articulo den cual
ta lansa acusacionnan serio den direccion di Kenneth Wever, entre otro cu
Kenneth Wever lo ta laba placa, cu Kenneth Wever ta involucra den transaccionnan
miyonario y dudoso, cu Kenneth Wever lo a biaha pa Virgin Islands, y cu e
actonan aki ta trece duda riba e integridad di Kenneth Wever den su trabou.

Pa medio di esaki DIARIO ta declara cu e acusacionnan aki ta
infunda, cu DIARIO no tin prueba di esaki, cu e contenido ta inecesariamente
ofensivo y pa tal motibo ta construi un ofensa denigrante pa persona di sr.
Wever, loque DIARIO ta rectifica aki den.

 

DIARIO

- Advertisement -

DUNA COMENTARIO

Please enter your comment!
Please enter your name here