Home Editorial Editorial: E MENTIROSO

Editorial: E MENTIROSO

1
0
SHARE
- Advertisement -

            Mas Evelyn papia na radio o aparece den cualke conferencia di prensa o na television, mas Pueblo ta haya sa ki clase di mentiroso e ta. El a purba sconde tras di su casa, pero e flie ey no a subi. E suerte di su casa ta cu el a haya un Huez Hulandes condescendiente, cu no tin ningun simpatia pa DIARIO o mi persona. Pero, mi ta custumbra caba cu na Aruba no tin husticia, djis un apariencia di dje. Mi a mira demasiado caso cu sentencianan grotesco pa mi bay sinta reacciona riba cada un di nan. Mi ta sigui biba cu e confianza cu algun dia nos lo tin nos propio Hueznan Arubiano, hendenan cu conoce nos idioma y sa interprete corectamente. 

            Djey el a purba acusa otronan (ridiculamente) di e falsificacion di su nomber, siendo cu e ta aparece bon cla riba e cuentanan bancario di e oficina di abogado fantasma. E ta nenga (inutilmente) te awe cu e ta haya placa extra, aunke e pruebanan ta preto riba blanco den e relatonan financiero di su cuenta, entradanan cu nunca el a declara na su coleganan di Parlamento y cu e ta hayando na bohoti! Ta ki clase di respet o consideracion un persona asina por tin pa su mes? Pa mi, e ta riba un nivel hopi abao, manteni eynan pa e cumulacion di mentiranan cu e ta sigui pak un riba otro. Caminda e ta ekiboca su mes ta den su pensamentonan cu hopi hende ta kere den su inventonan, su falsedadnan, su engañonan. Pueblo no ta bobo, e mester por sa esey, y e por analiza henter e situacion pa su mes, sin e ayudo di prensa o partidonan politico contrario.

Evelyn tin hopi pa responde pe, y e momento lo mester yega cu e ta bay realiza cu su carera politico ta yegando su fin, destroza pa su propio inconciencia y su afan di no enfrenta e berdad y duna e splicacionnan cu ta bin al caso. Sigui sconde, sigui fabrica mentira tras di mentira, sigui purba gaña otronan (y su mes den e proceso) no ta bay yude recupera ni un crenchi di su credibilidad. Con e por sigui gaña e coleganan di su mesun partido mi no ta compronde, mescos cu mi no ta compronde tampoco di con nan no a yame internamente pa e duna e aclaracionnan cu e mester duna na nan, sin purba gaña nan o su mes. E ta un asunto cu e por maneha internamente, con tal cu e comporta su mes honestamente y e bisa e cosnan manera cu nan ta, leu di e boshi di mentiranan cu el a inventa pa purba sconde su culpabilidad.

Ni e ni su tata ta den e posicion di lanta caso contra DIARIO, djis pretende cu di nan propio boluntad nan no kier hacie, y cu nan ta conforme cu e sentencia (no convincente) di e Huez Hulandes cu a dicidi di faborece nan alegando un acusacion cu no ta aparece den ningun di e articulonan cu DIARIO a publica! Hendrik tambe tin hopi ainda pa aclarea tocante su relacionnan cu e narcotraficantenan cu a pasa via Aruba y/o a conduci nan negohsinan sushi via nos isla. Djis corda riba e nomber di Ocando, Cargozaak, Sanchez y Bermudez, pa simplemente menciona algun di nan.

- Advertisement -

DUNA COMENTARIO

Please enter your comment!
Please enter your name here