Home Editorial Editorial: HENDRIK NO POR SCAPA NI SU MES, CORDA SU YIU MUHER!

Editorial: HENDRIK NO POR SCAPA NI SU MES, CORDA SU YIU MUHER!

2
0
SHARE
- Advertisement -

           Su uso di ofensanan personal ta pas den e mentalidad tipico di MEP, cu ta parce di no tin otro recurso pa discuti riba issuenan. Tur cos mester ta atakenan personal, acusacionnan sin ningun base, y expresionnan cu ta califica e persona cu ta haci nan un inculto, un bandido, un desgraciado, un porkeria di hende. Hendrik a caba di demostre un biaha mas, pesey mi no ta mira ningun clase di recuperacion posible pa e partido funda pa Betico y destroza pa e lenguahe, actitud y acusacionnan falso cu no ta bay hibe riba e caminda di progreso, ni evita su decadencia.

             Hendrik y Evelyn no ta bay lanta mas caso? Claro cu nan no por, pasobra e Ley cu e Huez a medio aplica den e caso di Kenneth no ta posible aplike na Evelyn o Hendrik. Pesey nan a opta pa no lanta mas caso y ta pretende cu e acto di cobardia di manda e casa enfrenta e candela ta suficiente pa nan, pasobra nan no tin ni e argumentonan ni e curashi pa enfrenta DIARIO den un Corte di Husticia nan mes! Pero, esey no kier meen cu DIARIO ta bay sigui e mesun ehemplo. Nos ta bay insisti riba un confesion o sikiera un admision di Evelyn tocante e placa deposita riba e cuenta di un oficina di abogado fantasma, cu ningun hende, ni sikiera e otro abogadonan conoce. Dia cu e hacie, dia cu e demostra un poco di honestidad na Pueblo, henter e asunto aki ta stop. Pero mientras e dia ey no yega, nos lo sigui cuestiona henter e episodio entorno un cuenta bancario di Evelyn y/o Hendrik. Si Evelyn a hacie for di un principio, si el a demostra integridad acompaña pa honestidad, nada di loke a pasa cune despues por a sosode. Ta e mes a provoca tur e criticanan cu su mentiranan, cu su dreymento rond di un topico cu ta asina cla cu tur hende a compronde.        

              By the way, Evelyn, si bo ta convenci cu bo nomber a ser falsifica riba e cuentanan ey cu photoshop, anto kico bo ta warda pa bay Corte? Ey, si bo tin razon, bo tin un caso fuerte pa presenta dilanti di cualke Huez. Pero, claro cu bo no ta bay hacie, no pasobra boso a dicidi cu boso no ta bay lanta mas caso, sino pasobra bo sa cu e ta un mentira colosal cu bo no ta bay por hustifica ningun caminda, menos ainda den un sala di Husticia.

           Y pa loke ta trata Hendrik: di con e no ta splica su relacionnan berdadero cu Ocando Paz Y TUR E PLACA CU A WORDE LABA NA Concord Hotel? Pakico e no ta splica ken y con e maletanan di placa cash cu tabata bin den e avionetanan di Ocando for di Fort Lauderdale y Miami a pasa via nos aeropuerto pa bay ser conta riba piso 7 di Concorde Hotel? Kico su relacionnan tabata cu Sanchez te cu el a skirbi un nota na man pa Fiscal Hoogland pa pone e narcotraficante ey den libertad? Pakico el a prohibi tur dos Fiscal, Hoogland Y Wijland cu nan no por maneha casonan di droga mas? Cua tabata su relacionnan cu Bermudez? Cu e notario? Cu cargo zaak? Cu su carnet di DISIP? Cu Bouterse? Mi kier meen, na lugar di purba tira e bala unda e no ta pertenece, pakico e no ta clarifica tur e relacionnan aki? Tur hende ta curioso pa sa cua tabata su participacion real den tur e asuntonan ey. Ami sa kico e tabata. Lo sorprendente ta cu den tur e añanan cu a pasa nan no a mande prison ainda, pasobra ta ey e mester ta. Djis revisa tur e pruebanan cu nos a publica, y e otronan cu D.E.A. por suministra na e autoridadnan di Ministerio Publico, cu te awor no a hunga un papel di imparcialidad, por lo menos segun apariencianan, te cu nos lectornan tambe por puntra nan mes: di con?

- Advertisement -

DUNA COMENTARIO

Please enter your comment!
Please enter your name here