Home General Rapport riba Banco Central di Corsou y Sint Maarten ta devastador

Rapport riba Banco Central di Corsou y Sint Maarten ta devastador

0
0
SHARE
- Advertisement -

ORANJESTAD (AAN)  Ayera e rapport traha pa PwC-Nederland  riba funcionamento di Banco Central di Corsou y Sint Maarten, a keda cla y a bira publico y caminda a keda conclui cu loke a bin saca for di e investigacion aki, ta cu e funcionamento di e institucion aki ta un caos completo.

Tambe por conclui cu el unico responsabel pa henter e caso aki cu tin na Banco Central, ta cu Presidente Emsley Tromp ta e culpabel mayor den henter e maneho inefectivo aki, caminda practicamente pa hopi aña, no por papia di un maneho y di un control adecuado cu un institucion asina ta rekeri.

Entre otro ta menciona cu miembronan di Hunta di Comisario cu mester a reuni tur siman, no a tuma nunca e reunionnan aki na serio ya cu caminda tabatin e posibilidad pa reuni na 138 ocasion, e rapporta ta mustra cu solamenta ta existi notulanan di 23 reunion y ningun hende sa kico a pasa en e otro reunionnan, si dado caso esakinan a tuma luga loke ta pone cu no por papia di un maneho colegial y transparente.

Tambe e rapport ta cuestiona e constelacion di e Hunta di Comisarionan riba cual nunca a yega na un consensus con esaki tin cu wordo forma cual a conduci na diferente situacion di impase y desacuerdo interno riba legalidad di reunionnan cu  a tuma luga.

Pa colmo esunnan responsabel di e institucion cu ta  Ministernan di Finansa di tanto Corsou y Sint Maarten, for di 2010 nunca a reuni cu e Hunta di Directiva of cu e Hunta di Comisario y tampoco a tuma medida pa pone ordo den e institucion aki.

PWC a haci un investigacion profundo riba funcionamento di CBCS relaciona cu e proyecto di waf na Sint Maarten y aki a conclui cu tin transaccionnan y e forma cu esakinan a wordo hinca den otro y ehecuta, ta algo inusual y cu a crea un situacion sumamente delicado pa funcionamento di e banco.

Pa loke ta e investigacion riba integridad di e proceso hiba pa nombracion y renombracion di miembronan di directiva di e Banco Central, a keda conclui cu henter e proceso di seleccion no a bay den e forma corecto y ta pone duda grandi riba nombracion di miembronan individual cu ta famia yega na dirigentenan di e banco loke ta impedi un bon control di henter e institucion.

Na mes momento Banco Central di Corsou y Sint Maarten ya caba a anuncia cu nan no ta di acuerdo cu e rapport di PwC.

- Advertisement -

DUNA COMENTARIO

Please enter your comment!
Please enter your name here