Home General Registracion y ‘compliance’ di avionnan ta keda un topico interesante pa Aruba

Registracion y ‘compliance’ di avionnan ta keda un topico interesante pa Aruba

0
0
SHARE
- Advertisement -

Parlamentario Jennifer Arends-Reyes

ORANJESTAD (AAN): Segun Parlamentario sra Arends-Reyes den calidad di presidente di comision fiho di turismo recientemente a atende e ‘4th Annual Offshore Aircraft Registration symposium’ organiza pa e organizacion di Aeropodium.

   Durante di e symposio aki varios persona reconoci den e mundo di aviacion tanto na Merca como di Europa a hiba palabra y conta ki desaroyo tin den e mundo di registracion y ‘compliance’ pa avionnan. E symposio a explora diferente topico manera e beneficionan pa registra un avion ‘offshore’ y e proceso, rekisitonan tanto legal como practico pa yega na esaki. Tin bastante risico pa tene na cuenta  tambe na momento cu lo kier yega na registra un avion pa motibo cu tin hopi aspecto cu tin cu tene na cuenta cun’e manera contractonan di ‘lease’ y seguro.

   Tambe nan a toca e topico di diferente acuerdonan cu mester tene na cuenta manera e ‘Cape Town Convention’ cu e mundo di aviacion a conose desde 2001 cu ta ensera regulacionan standarisa na momento  cu entre otro sera contractonan di ‘lease’ of compra di un avion y alaves kico ta pasa na momento cu no por cumpli cu pago of den caso di bancarota. Cada tanto tempo tin partinan di e protocol cu ta bin acerca y mas pais cu ta ratifica e convenio aki.  Diferente partnernan den e mundo legal y aviacion di Aruba tabata presente pa asina explora ki posibilidadnan tin pa Aruba y kico ta e desaroyonan cu ta andando y cu nos tambe mester tene na cuenta. Sigur un symposio exitoso caminda hopi informacion valioso a ser duna y alaves a duna e oportunidad pa discuti diferente topico relevante na e tema di aviacion.

v

- Advertisement -

DUNA COMENTARIO

Please enter your comment!
Please enter your name here