ORANJESTAD (AAN): Un resultado sorprendente cu sigur ta yena di orguyo henter nos isla ta e resultado cu e damitanan atleta di Aruba a logra den e Weganan Centro Americano y del Caribe (CAC) na Veracruz, Mexico.
Kamilah Dammers kende a keda conoci como e Reina di Bowling, a logra 1 Oro y 1 Plata, mientras cu e atleta di Sailing, Philipine van Aanholt tambe a logra e premio maximo di 1 medaya di Oro pa Aruba y e duo di Symchro, Kyra Hoevertsz y Anouk Eman a logra 1 Brons pa completa 4 medayanan gana pa Aruba.
Un palabra di Pabien ta bai na e 4 atletanan femenino aki cu a enfrenta e reto aki cu curashi y sin miedo pa logra bin cu medayanan pa Aruba. Di otro banda tambe 4 atletanan di Special Olympics a logra 3 medaya di Oro y un Plata durante e evento di Landamento Open Water na Corsow.
