Home Editorial Editorial: CARGO ZAAK- DROGA NA TONELADA- Y HENDRIK SEFERINO CROES!

Editorial: CARGO ZAAK- DROGA NA TONELADA- Y HENDRIK SEFERINO CROES!

17
0
SHARE
- Advertisement -

            Un aclaratoria chikito: mi no ta contesta ningun articulo ni ningun imbecil macamba cu kier skirbi su mentiranan den e medionan Solo di Corupcion, Radio Riool y E Canal di 22 Mentira, cu ta publica kico cu ta sin importa nan si e ta mentira of no, con tal cu e ta pas cu e politica putri y decadente di nan partido. Usa un ladron, estafador y criminal cu tabata cera na Hulanda y Alemania como un modelo di veracidad ta bisa tur cos di e macamba stinki cu ta cita di dje, y ta use  como su modelo. Pa bisa e macamba ey den su mesun idioma, pa e compronde bon e situacion cu el a hinca su mes aden: “soort zoekt soort”.

Cada ken por wel di keda cu su opinion y ami ta conserva esun di mi. Lo unico cu mi ta ripiti ta: NUNCA mi a ser deteni na ningun parti di mundo, NUNCA mi a ser acusa di nada relaciona  cu droga o labamento di placa pa ningun autoridad na ningun parti di mundo, NUNCA mi a pone pia den un Corte di Husticia na ningun parti di mundo pa cualke acusacion relaciona cu e asuntonan ey, y NUNCA mi a ser interoga na ningun parti di mundo pa e tipo di actonan ey contra Ley! Esaki ta un declaracion cu por ser investiga y confirma pa ken cu kier cu e autoridadnan rond di mundo, incluyendo Interpol, FBI, CIA, DEA, Surete, Scotland Yard, DIM, Disip, Ptj, Das, y cualke otro cuerpo policial o investigativo. Evidencia ta convence; bla bla bla ta perdemento di tempo y e cuki di e macamba porco ey. Ami ta rindi cuenta na Huez y na Dios, no na un porkeria macamba y su modelo criminal.

Awor ban pa Cargo Zaak, cu tabata un di e episodionan mas comenta tempo di su tempo na Aruba, Hulanda y resto di Reino. Ta trata di un trampa cu algun autoridad kier a pone pa gara e “grandinan” na Hulanda cu ta deal den droga, pero henter e caso a sali for di man y a termina malo. Hendrik, por supuesto, a hunga un papel principal den henter e asunto, pasobra ta el a aproba, como Ministro di Husticia di MEP, pa e droga bay di Aruba pa Hulanda.

            Segun e relato di un dama, el a bay Colombia y a adkiri e droga, djey el a trece Aruba y el a ser warda na Savaneta Kamp, unda nan a pone den paki, y djey a transporte pa Hulanda, segun e mes  ta bisa, den barconan militar Hulandes. Na Hulanda el a subi Mercado y a ser bendi den su totalidad, pero ningun hende a ser aresta. O sea cu e droga a cay den man di e traficantenan, el a ser reparti rond di e pais, y e placa a bay para den e cahanan di diferente cuerpo policial y autoridadnan di e pais. Na Aruba, e Procurador General tabata Zwinkels, kende tambe a haya un parti di e botin. Pero, e idea tras di e transaccion a fracasa pasobra ningun di e caponan a ser aresta, y e droga lastimamente a cay den man di e hubentud Hulandes.

Si Hendrik Seferino, e Ministro unico di su sorto y tata di e lider mediocre di MEP, Evelyn, no a duna su aprobacion pa e transaccion tuma lugar, mas di 2 mil kilo di marihuana no lo a subi e cayanan di Hulanda pa causa su daño na e hubentud di e pais. Di e elemento aki tur loke bo ta lesa den e medionan local y di exterior ta lo siguiente: “Justitie Aruba Zucht Onder Corruptie” (Hulanda); “Escandalo di relacion di Ministro di Husticia cu narcotraficantenan” (Venezuela); “Ministro di Husticia ta Promeove Criminalidad” (Aruba); “Uitzondering voor Owel” (Hulanda); “Informatie Politie: Bouterse en Croes Betrokken bij Drugs” (Hulanda); “Hendrik Croes Kier a Faborece Narcotraficante” (siendo Ministro di Husticia di MEP – Aruba); “Grupo Ocando Paz a Trafica Mas di 5 Mil Kilo di Cocaina via Aruba” (Aruba).

Esta un bunita  record!

           

- Advertisement -

DUNA COMENTARIO

Please enter your comment!
Please enter your name here