Archivo di January, 2015

Ganado di Premio Nobel den Economia ta apoya e idea di inverti den bo pais y bo hendenan

Publication: Saturday, 31 January 2015. Categoria: General

“Austeridad a resulta un disaster absoluto”

ORANJESTAD(AAN): Durante nan biahe pa Merca pa participa na e cumbre riba energia inicia pa Vice Presidente di Merca Joe Biden, Prome Minister Eman y de Meza a haci un bishita tambe na Columbia University.

Eynan nan a papia cu e erudita, Profesor den Economia Joseph Stiglitz, kende ta duna les den economia y comercio. Stiglitz tabata tambe un consehero di e Presidente Mericano Bill Clinton y economista principal di Banco Mundial. Door di e background ey e profesor a wordo envolvi grandemente den conseha paisnan riba tereno economico.

Tres persona herida den accidente basta pisa na Bubali.

Publication: Saturday, 31 January 2015. Categoria: Policial

ORANJESTAD(AAN)– Dos auto a dal hopi duro na Bubali diabierna mainta algo pasa di 11or. Varios persona a keda herida segun e prome informacion cu a drenta.

A resulta cu ta tres persona a haya hopi sla y mester a wordo atendi mesora. Uno tabata mas grave cu otro. Ekipo di rescate di bombero a wordo avisa tambe. Tabata tin hende pega den un di e autonan.

E autonan a dal frontal contra otro y a keda tur destrui. Mirando e situacion na e sitio, polis a cera e caminda cu varios unidad .

 

Dos persona deteni den caso di polis haya sunu benta na Eagle

Publication: Saturday, 31 January 2015. Categoria: Policial

ORANJESTAD(AAN): E dos sospechosonan cu for di prome instante tabata wordo menciona den e caso di e agente haya benta sunu na Eagle a keda deteni. E dos sospechosonan aki ta dos futbolista cu lo a topa cu e agente y conoce e agente policial.

Nan a trip pisa y e investigacion a indica cu nan dos ta e ultimonan cu a keda cu e agente.

Venezuela ta bisa cu e F-16 a tumba e avion pirata riba nan awa teritorial

Publication: Saturday, 31 January 2015. Categoria: General

ORANJESTAD (AAN): Riba Diabierna, e Ministro di Defensa di Republica Bolivariano de Venezuela, esta Vladimir Padrino Lopez, a mustra claramente cu e avionnan F-16 di su pais, a dispara riba e Avion Pirata, ora esaki tabata bulando ainda riba nan awanan teritorial.

Ta trata di e avion cu a ser tira, y benta abao como cu e ta ser sospecha di ta transporta droga, y tabata wordo sigui pa militarnan Venezolano.

400 paki di droga saca di lama y e avion ta di Matricula Mericano

Publication: Saturday, 31 January 2015. Categoria: General

ORANJESTAD(AAN)– Den un conferencia diabierna atardi na Centro di Husticia, Polis y Fiscal Mayor di Ministerio Publico ta confirma 400 paki di droga saca for di lama.

E pakinan aki ta pakinan chikito procedente di bultonan cu a habri for di otro despues di e explosion y impacto di e avion den lama.

Segun a wordo informa , e avion tabata di registracion Mericano.

Den e avioneta no a haya curpa pero si resto di hende cu no ta confirma cuanto hende tabata tin den dje.

Bukinan di Telefon 2015 lo keda reparti pa tur cas di Aruba

Publication: Saturday, 31 January 2015. Categoria: General

ORANJESTAD (AAN): E simannan nos dilanti Bukinan di Telefon 2015 lo keda reparti pa tur e casnan di Aruba. Post Aruba NV lo haci entrega di e buki telefonnan 2015 via adres of postbus, pa tur cas y negoshinan rond di Aruba.

SETAR ta informa cu si cualkier persona mester di un buki di telefon extra, e cliente por busca esaki na cualkier SETAR Teleshop of na SETAR Store.

SETAR lo reparti e bukinan di telefon destina pa e hotelnan, WEB, Elmar, SITA, Airport y Valero y departamentonan di Gobierno por pasa busca nan bukinan di telefon na cualkier SETAR Teleshop, na e SETAR Store of na e departamento di Logistica di SETAR.

Avon a shock tur hende door di stop mesora di opera na Aruba

Publication: Saturday, 31 January 2015. Categoria: General

Avon a tuma decision pa henter Caribe

ORANJESTAD (AAN): Un noticia a drenta cu sigur lo laga hopi consumidor local den shock.

Despues di consideracion cuidadoso y analisis, Avon Products Inc., a duna e informe lamentable cu nan a dicidi pa stop cu operacion riba tur isla den Caribe, y cu ta wordo sirbi pa Merca, incluyendo nan teritorionan.

Consecuencia di esey ta, cu Avon ta kibrando tur contract den teritorio di Caribe, incluyendo e contractnan cu nan tin cu e bendedornan independiente di compania.

Esnan cu ta bay bende cuminda den Parada mester permiso

Publication: Saturday, 31 January 2015. Categoria: General

ORANJESTAD (AAN): Mirando cu e simannan di parada di carnaval ta yegando, Departamento di Salud Publico, ta haci un suplica na tur persona cu tin un “ventvergunning” of “venters”, esta esunnan cu ta bende cuminda manera pan cu hotdog/ pizza/ conserbe di pinda/cocada etc.y otro instancia cu tin permiso pa bende cuminda y/of alcohol riba e rutanan di carnaval pa tene cuenta cu e siguiente puntonan:

(*) Mester cumpli cu regla di higiena di parti di seccion di Higiena di Departamento di Salud Publico.  (*) Tur persona cu ta bende cuminda y/of alcohol mester tin nan certificado di salud (carchi berde) na ordo. E certificado di salud mester ta visibel pa e controladonan.  (*) No ta acepta papel di recibo como reemplasante di e certificado di salud (carchi berde).

Discuti ultimo puntonan cu falta den rapport pa haci San Nicolas e di dos capital turistico di Aruba

Publication: Saturday, 31 January 2015. Categoria: General

ORANJESTAD (AAN): Den cuadro di e creaccion di e di ‘San Nicolas, e di Dos Capital Turistico di Aruba – Centro di Herencia Cultural’, Minister di Turismo, Transporte, Sector Primario y Cultura Otmar Oduber durante su reunion cu Aruba Investement Bank(AIB) siman pasa a discuti e ultimo puntonan cu falta  den e rapport pa asina aki presenta e rapport final.

Minister Oduber a splica anteriormente cu e business plan aki lo cay bon den cuadro completo di San Nicolas,  unda cu e parti di herencia Cultural di Aruba lo ta e motor grandi tras di di proceso di revitalizacion di San Nicolas. Esaki ta foma parti di lo cual Gobierno a bin ta haciendo pa algun aña caba, unda a percura pa drecha infrastructura entre otro Joe Laveist, Carnaval Village, pa menciona un par.

Documentario di Cultura di Calypso na Aruba realiza pa dos talentonan local

Publication: Saturday, 31 January 2015. Categoria: General

Tur presente diasabra anochi na Carnival Village por disfruta di e

ORANJESTAD (AAN): Diasabra anochi durante evento final di Caiso & Soca Monarch na Carnival Village na San Nicolas, lo bay tin un atraccion hopi interesante pa tur esnan cu acudi na e gran evento musical carnavalesco aki.

Ta asina cu e documentario traha pa nos propio yiunan di tera Gregory Richardson y Sharelly Emanuelson “Mighty Lords, Kings and Queens, Calypso and the politics of Recognition” lo worde pasa e anochi aki tambe.

E documentario lo ta pasando bou di un tent ubica na e e Carival Village mes unda cu tur esnan cu ta bay pa disfruta di e nos artistanan compitiendo pa e corona di Caiso y di Soca Monarch lo por pasa un rato y conoce mas di e historia ancra den e ritmonan musical aki.

Carnaval di Noord riba caya for di 12 or merdia awe

Publication: Saturday, 31 January 2015. Categoria: General

ORANJESTAD(AAN)– Carnaval 50 di Noord lo ta riba caminda awe for di 12’or merdia

Comision di Carnaval 50 di Noord ta invita pueblo en general pa bin presencia e creatividad di nos grupo y muchanan

Awe en totaal 7 grupo cu 400 participante lo ta forma parti di Noord su Carnaval 50. E gruponan cu ta participa na Carnaval di Noord ta:

Esaki ta secuencia di Paradanan di Carnaval

Publication: Saturday, 31 January 2015. Categoria: General

ORANJESTAD (AAN): Diaranzon atardi a tuma lugar tiramento di lot pa asina cada grupo san an number di secuencia cu nan lo ta den e diferente paradanan.

Aki DIARIO ta presenta secuencia di gruponan pa paradanan di mucha diadomingo awor.

(1) Parada Playa:

Noord cu reina di Noord

Deja kids

Little groovers

Champagne kids

Nos futuro/jolly kids

(2) Parada sanicolas

Exitoso prome edicion Arubiano di Dia di Comisariado

Publication: Saturday, 31 January 2015. Categoria: General

ORANJESTAD (AAN): Recientemente  VanEps Kunneman VanDoorne y The Galan Group a organisa e prome Dia di Comisariado Arubiano. Cu 70 inscripcion, el a bira un lanzamento exitoso di e seminario cu lo keda bin bek tur aña.

Cu entre otro FCCA, de Sociale Verzekeringsbank Aruba (Banco di Seguro Social Aruba), Hospital Dr. Horacio E. Oduber y algun banco comercial y oficina di accountant, tanto organizacionnan di gobierno como sector empresarial tabata representa.

Tremendo apertura di e obranan di arte na Ateliers’89

Publication: Saturday, 31 January 2015. Categoria: General

ORANJESTAD (AAN): — Na Ateliers’89 a tuma lugar apertura di e obranan dramatico presenta pa e artistanan Lupita Bernabela, Juliette Carti, Agnes Leslie, Judith Werleman, Merylin Lugay, Roberta Romelli, Gideon Lewis, Jewel Buenaventura, Celeste Martin, Osvaldo Correa.  Durante e anochi a hiba palabra Sr. Elvis Lopez y Sr. Albert Schoolbaar di Curacao, na tur e invitadonan.

Despues a forma siete grupo cu a guia e personanan den e diferente sala caminda cu e obranan tabata expone. Tur hende a ricibi un tremendo presentacion cu e artistanan a duna riba e anochi aki.

 

St.Maarten ta haya KB pa falta di confianza den integridad di maneho publico

Publication: Saturday, 31 January 2015. Categoria: General

Plasterk:

ORANJESTADAAN)– Den un carta cu Ministro di Asuntonan Interior di Reino, sr. Ronald Plasterk manda pa e presidente di Tweede Kamer, a duna di conoce cu e Conseho di Minister di Reino a dicidi ayera cu lo inicia e procedura pa un Algemene Maatregel van RijksBestuur pa St. Maarten. Esaki ta relaciona cu instalacion di e Comision di Integridad, basa riba articulo 51 di statuut di Reino.

Motibo di e KB of AMVRB