Home Policial “Mancha di Sanger” laga atras den Aveo altura di ex “House of...

“Mancha di Sanger” laga atras den Aveo altura di ex “House of Cheng”

0
0
SHARE
- Advertisement -

ORANJESTAD   (AAN):  A drenta diadomingo  mainta informe na Central di polis, cu e auto A-22348 color shinishi ta staciona bandona cu bentanan kibra pabao di “House of Cheng” situa riba L.G. Smith Boulevard y desconoci nan lo a coba den e vehiculo.

   Patruya di polis distrito Noord a acudi na e lugar indica y enberdad nan a wak e auto color shinishi Chevrolet Aveo A-22348 staciona pazuid di ex “House of Cheng”. E glas di bentana dilanti banda pasahero ta destrui na suela tin glas kibra, ademas tin sanger na bumper patras na banda drechi, na porta dilanti banda drechi, den e auto riba vloer banda pasahero y riba e asina yama cashi di handschoen.

   Polis a wak e panel dilanti di un Pioneer radio auto na suela di e banda di pasahero. E documento di seguro polis a haya nomber y information kende ta doño di e anto , e auto ta registra riba nomber di J.v.M. biba na Casibari. Patruya bay na e direccion y polis a papia cu e homber J.v.M. , el a declara di a sali hunto cu algun amiga y debi cu nan a bebe di mas, el a dicidi pa staciona y a laga e auto banda di caminda pa zuid di ex “House of Cheng” atras y a bay cu otro persona cas. J.v.M  a laga sa di a laga e auto sera na lock y intacto atras.

   Patruya a tuma e keho y e ta registra den Actpol pa investiga. Mancha di sanger laga atras ta entre otro evidencia pa recherche tecnico cuminsa habri caminda pa yega na e ladron (nan).

- Advertisement -

DUNA COMENTARIO

Please enter your comment!
Please enter your name here