Home Politica Analisis politico

Analisis politico

0
0
SHARE
- Advertisement -

Mike y Evelyn

“There she goes again” a bira e reaccion ariba e declaracionnan di Evelyn Wever Croes cu un ta pio cu otro. E ultimo ta cu e a bay cuestiona contrato di siguro cu e gobierno di AVP a cera cu companianan di siguro.

Atrobe den un tempo record e contesta a bay pa Evelyn cu e contrato cu e ta referi na dje ta un contrato cu a worde duna despues cu tabatin un destaho publico manera mester ta y e compania cu e miho oferta a haya e contrato. Loke ta e pifia di Evelyn atrobe ta cu e a lubida cu MEP pa hopi aña a duna contrato di siguro na “friends and family” sin ningun destaho publico. Ta compania directamente envolvi cu Evelyn y su hendenan tabata haya e contratonan miyonario solamente pasobra nan ta parti di e grupo priviligia di Evelyn cu ta  su grupo miyonario chikito.

Di biaha ministro Hooiboer Winklaar a cera Evelyn su boca pasobra di ningun manera e por defende e mal hechonan cu MEP a comete  durante nan añanan di gobernacion. Un biaha mas ta bon pa pone e dos lidernan di e dos partidonan mas grandi na Aruba banda di otro. Mike Eman ta na Washington na e momentonan aki  invitado di vice presidente di Merca Bayden pa un reunion importante encuanto energia pa futuro y ta worde gaba pa su vision. Isla chikito Aruba den noticia hopi positivo pa e maneho cu e gobernacion ta hiba.

Un gobernacion  cu un vision profundo cu a hala atencion internationalmente y ta worde respeta ampliamente. Mike Eman lider exceptoional  di Aruba ta logrando cosnan grandi pa su isla banda di Evelyn Wever Croes cu ta bay di un mentira baho pa otro y ta worde  gara cada rato sin cu e ta realiza cu e rumbo cu e ta aden ta direccion di un caida completo den proximo eleccion. Henter e acercamento di Evelyn di politica ta negativo y destructivo. E no ta ni trata di aumenta su credibilidad door di duna poco reconocimento na e cosnan positivo cu gobierno ta haci.

Ta increibel cu Evelyn no ta realiza cu e pueblo di Aruba cu un mayoria hopi grandi a reeligi e gobierno di AVP pa su bon trabao y a castiga MEP pa su actuacion completamente negativo. Ki ora Evelyn Wever Croes habri su boca ta cosnan negativo ta sali y semper basa ariba mentira.  Ki ora tende Mike papia ta algo positivo ta worde treci padilanti. Henter e maneho di e gobierno di AVP ta basa ariba un filosofia positivo y constructivo. E resultado di e gobernacion aki ta bisto den tur skina di nos isla. Y manera cu ta worde bisa awo ta cu hende ta wak unda nan placa ta bay. Cada cen cu e gobierno aki ta gasta ta na beneficio di e pueblo di Aruba. Hopi a spera cu Evelyn Wever Croes a bin cu un politica nobo eleva cu lo duna reconocimento na asuntonan positivo cu ta tumando luga y critica loke ta bayendo malo.

Nada di esaki. Evelyn ta hibando e politica di su tata Hendrik Croes y no tin nada di un politica nobo di un nivel halto y positivo pa di e manera aki trata di lanta su partido. Evelyn Wever Croes ta poni den partido door di su tata pa cumpli cu e deseonan di su tata y e speranza ta cu nan lo por ta den gobierno atrobe pa haya contratonan miyonario di gobierno manera nan a haya  den pasado. Mike ta trahando dia y anochi pa progreso di nos isla sacrificando su mes na un manera unico. Esaki ta worde aprecia door di nos pueblo y Evelyn ta den un skina hopi negativo. Manera cos ta mustra esaki lo keda asina pasobra Evelyn ta keda scucha su tata cu consecuencia sumamente negativo.

 

 

- Advertisement -

DUNA COMENTARIO

Please enter your comment!
Please enter your name here