Home Hudicial Caso di apelacion den corte superior posponi te cu Mei

Caso di apelacion den corte superior posponi te cu Mei

0
0
SHARE
- Advertisement -

Asunto grandi di droga

ORANJESTAD  (AAN): Dialuna mester a tuma lugar un caso di apelacion relaciona cu un caso grandi di droga.

Ta trata di un caso contra J.W.D.L.

El a wordo acusa di participacion na un organizacion criminal den e periodo di 9 di December 2010 pa 29 di Augustus 2012 y e caso a wordo trata den luna di Juni 2014.

Ta trata di un caso di exportacion di droga pa entre otro Hulanda y Alemania y dia 19 di Juni fiscal a hasi su exigencianan di castigo.

El a bisa cu banda di e hecho cu e ta pidi castigo, despues e lo bin cu un asina yama ‘ontnemingsvordering’ contra  J.W.D.L, pa tuma  placa bek for di dje, cu e lo a gana cu traficacion di droga.

Contra J.W.D.L fiscal a exigi 4 aña y un multa di 100.000 florin.

Si e no paga e multa e lo sinta 1 aña extra.

Sinembargo ora cu riba 10 di Juli huez a duna su veredicto den e caso aki, el a haya J.W.D.L culpable solamente di ta complice di labamento di placa y no di participa na un organizacion criminal.

El a haya un castigo di 465 dia, di cual 119 dia ta condicional.

E resto el a sinta caba den detencion preventivo, pues 10 di Juli mes el a wordo laga den libertad.

Fiscal no tabata di acuerdo cu veredicto di huez y pesey O.M a apela esaki.

E caso den corte superior mester a tuma lugar Dialuna, pero a bin resulta cu algo a bay robez cu e citacion pa e caso.

Esey ta nifica cu e caso no por a wordo trata.

Huez a pospone e caso te cu 18 di Mei.

 

 

 

 

- Advertisement -

DUNA COMENTARIO

Please enter your comment!
Please enter your name here