Home Hudicial Castigo di 4 aña di prison pa homber cu a hasi sex...

Castigo di 4 aña di prison pa homber cu a hasi sex cu su propio yiu muher

7
0
SHARE
- Advertisement -

ORANJESTAD(AAN): E sospechoso C.M.M.F naci na Colombia di 67 aña a presenta na corte di husticia Diabierna, pa tende veredicto di huez den su caso.

El a wordo acusa di a comete actonan sexual cu su propio yiu muher menor di edad, den e periodo entre 2007 y April 2013 y e caso a wordo trata riba 9 di Januari.

Durante tratamento di e caso e acusado a admiti cu el a cuminza mishi cu su yiu ora cu e yiu tabata tin 12, apesar cu segun e acusacion e mucha tabata tin 10 pa 11 aña.

E homber a bisa cu e tabata mishi so cu e mucha na su partinan intimo y cu e tabata masturba ora cu e tabata mishi cune.

Segun C.F, ta te ora cu su yiu tabata 15 aña, el a cuminza tene relacion sexual cune, cu ta inclui cu e tabata pone su parti intimo den esun di su yiu muher.

El a bisa huez cu e mucha mes tabata kier y cu e no por a resisti e tentacion.

C.F a conta huez cu mayoria biaha e tabata mishi cu e mucha ora cu e tabata dune un baño.

El a bisa cu te cu edad di 16 ainda e tabata baña su yiu muher.

Segun C.F, e mucha mes tabata kier hasi sex cune.

El a splica cu su yiu muher tabata kita paña y cana sunu den e cas ora cu e tabata bin cas for di school.

E homber  a bisa cu e no por a resisti esaki.

El a bisa tambe cu ora cu su yiu muher tabata kier algo manera un celular nobo etc., e tabata bisa su e lo dune sex a cambio di e telefon.

Huez a puntra e homber si e kier tira tur culpa riba e mucha y el a bisa cu nan dos tabata tin e culpa.

E mucha tabata ofrece y e no por a resisti.

C.F a bisa huez cu na dado momento el a bira malo y mester a bay hospital, door cu su yiu muher tabata kier hasi sex cune tur dia y el a haya un problema na su canal di urina.

El a a bisa huez cu awor cu el a bira Cristian, el a realiza cu locual e tabata hasi tabata malo.

Huez a bise cu bo no mester ta Cristian pa bo sa cu hasi sex cu bo propio yiu ta malo.

C.F a bisa cu e no tabata sa mihor, pasobra ora cu e mes tabata tin 8 aña, el a wak dos adulto ta hasi sex y el a keda obsesiona cu esey y traumatiza.

Fiscal a hasi diferente pregunta na e acusado y na dado momento el a indica cu tur caso di abuso sexual ta hopi serio, pero e casonan den cual ta abusa di propio yiu y durante un periodo largo ta sumamente lamentabel.

El a bisa cu e castigo maximo cu por wordo exigi den e tipo di casonan aki ta 12 aña.

E mucha mes a declara na polis cu ora cu e tabata tin 14 aña, su tata a kibra su virginidad.

E tata mes a bisa cu e mucha tabata tin 15 aña.

Fiscal a conclui cu tabata tin penetracion sexual, prome cu esey, esta prome cu ora cu e mucha tabata tin 12 aña, mirando entre otro e declaracion di e homber kende a bisa cu e tabata mishi cu su man na parti intimo di e mucha y cu e tabata pone su parti intimo na e parti intimo di e mucha.

Pa colmo e homber tin dos yiu muher mas y huez a puntre si el a mishi cu nan tambe.

C.F a bisa cu el a mishi cu nan tambe, pero cu e no a penetra e muchanan.

Fiscal a dicidi di exigi un castigo incondicional contra C.F di 6 aña.

Abogado Demis Illes representando e acusado a indica cu su cliente a bisa cu el a cuminza mishi cu e mucha ora cu e tabata tin 12 aña y no menos cu 12.

Esey ta importante, mirando cu e castigo cu por wordo exigi ta mas halto si bo comete un acto inmoral contra un  mucha menor di 12 aña.

Illes a bisa tambe cu locual su cliente a declara cu el a hasi tempo cu e mucha tabata tin menos di 15 aña, no por wordo considera como penetracion sexual.

Diabierna huez a condena C.F na un castigo incondicional di 4 aña, kitando e tempo cu el a sinta caba den detencion preventivo.

 

- Advertisement -

DUNA COMENTARIO

Please enter your comment!
Please enter your name here