Home General FADA a cuminsa bishita scolnan cu nan programa pa conscientisa hobennan riba...

FADA a cuminsa bishita scolnan cu nan programa pa conscientisa hobennan riba alcohol y droga

2
0
SHARE
- Advertisement -

Sobella Solognier  preventie medewerker na FADA

ORANJESTAD – E organisacion cu ta traha den forma preventivo riba uzo di droga, FADA, for di 12 di januari ultimo a lansa nan campaña pa temporada di Carnaval, esta un Carousel cu a wordo yama “Ta den control”.

E programa ta encera cu nan lo bay ta bishitando e scolnan rond Aruba. Esaki a wordo splica door di Sobella Solognier, “preventie medewerker” di FADA.

Fada a forma un team hunto cu funcionarionan di Wit Gele Kruis, Reclassering, Jeugd en Zeden Politie, DESPA, DBZ, y Telefon pa Hubentud.  Na momento di bishita e scolnan, henter e team ta participa unda ta duna charla riba kico e hoben mester haci pa “ta den control” di su bida.

“Loke cu pasa cu abo hoben den e temporada aki, abo ta den control. Tur cos ta depende kico bo escogencianan ta bay ta y cual lo ta e resultado. “ El a agrega cu aunke e campaña ta pa henter aña, a scohe pa concentra awor riba e temporada di carnaval.

E aña aki FADA a scoge pa concentra riba scolnan secundario, specificamente riba studiantenan di prome y di dos aña di e scolnan aki. “Esaki pasobra nan ta un grupo basta vulnerabel. Si mira e cifranan di embaraso hubenil, e edad ta bahando hopi, esta entre 13 y 14 aña.

Esaki ta sosode door di e combinacion di uzo di alcohol y droga. Esaki ta informacion cu nos a ricibi for di Wit Gele Kruis, basa riba e cifranan cu nan tin. “ El a sigui splica cu ta trata aki di grupo di muchanan cu a bini for di 6de klas y ta hopi vulnerabel pa e mundo nobo cu nan ta confronta eyfo. Esaki door cu mayornan ta cuminsa permiti nan bay actividadnan di carnaval nan so of den grupo di amiga.

Sinembargo e gran pregunta ta si e hoben ta prepara pa e libertad aki cu e ta haya. Y hustamente riba esaki FADA ta bay traha riba dje na scolnan, dunando e hobennan e toolsnan pa sa con pa actua den e mundo nobo cu nan ta drenta. “Nos ta siña nan cu nan por bisa “no”, y finalmente e consecuencia ta pa nan di e e escogencia cu nan tuma.”

Den e campaña aki FADA a haya cooperacion tambe di CEDE Aruba den forma di “goggles” (duikbril), cu ora e hoben bisti esaki e ta haya e “feeling” di uzo di alcohol. FADA a haya tres set (blanco, geel y corra). Cada un ta un categoria diferente. Blanco ta un nivel hopi abou, geel ta medium y corra ta ora cu bo a pasa e limite y no mag di core auto mes.

E programa cu ta presenta na e scolnan a wordo traha door di un staigaire di IPA y ta consisti di dos modulo. Uno ta pa muchanan cu nunca tabatin contacto cu alcohol y ora cu nan bisti e brilnan, nan ta bay sinti e efecto por medio di weganan. Por ehempel ta tira un bala pa mira si nan por atrap’e, pasobra vision y reaccion ta baha door di uzo di alcohol. Pa esnan cu a bebe alcohol, ta uza un otro tipo di wega.

Por ehempel ta puntra si nan sa con nan ta comporta nan mes ora cu nan uza alcohol. Hopi ta kere cu nan ta cana recht of baila decente, pero esaki no ta berdad. ‘Hopi biaha e hoben ta haci cos for di sla cu e no sa mes. E grupo aki nos ta bay mustra nan con nan comportacion ta cambia ora cu nan ta bao di influencia.”

FADA lo ta activo na e scolnan te cu e ultimo fin di siman prome cu carnaval, esta di e paradanan grandi. Tin scol basico tambe ta pidi pa e lecturanan aki, igual cu gruponan di deporte y scout, cual ultimonan aki ta trata di atende den fin di siman.

FADA ta conseha pa no abusa di alcohol, keda den control di bo mes pasobra si laga esaki bay, tur cos ta bay robez. “Bo no mester haci uzo di alcohol pa ta great of ta na moda. Djis keda bo mes. No cay pa peer-pressure pasobra e consecuencianan no ta pa bo so y awo,” e colaborador di FADA a duna di conoce.

 

 

- Advertisement -

DUNA COMENTARIO

Please enter your comment!
Please enter your name here