Home General Hubentud tin prioridad pa Reino Hulandes

Hubentud tin prioridad pa Reino Hulandes

0
0
SHARE
- Advertisement -

Minister Paul Croes

ORANJESTAD (AAN); Minister Paul Croes a mustra hopi satisfecho cu e Interparlementair KoninkrijksOverleg (IPKO) su prioridad ta dirigi riba hobennan den Reino. “Tur pais den Reino, esta Corsow, St. Maarten, Hulanda y Aruba a dicidi pa pone Hubentud riba agenda parlamentario.

   Esaki ta un señal positivo pa nos hobennan”, asina e mandatario encarga cu e maneho di hubentud a expresa. Desde November 2013 Gabinete Mike Eman ll, a tuma e decision pa un Ministerio specificamente dedica na e desaroyo di hobennan na Aruba.

   E pre-fase di hubentud, esta infancia, ta haya contenido den e Tratado Internacional di Derechonan di Mucha. E aspecto di Hubentud mes den e Maneho Integral di Hubentud, unda e terenonan di Husticia, Salud, Educacion, Social y di Formacion ta inclui.

 “Aruba ta tumando pasonan positivo pa locual ta e maneho dirigi riba hobennan. For di hobennan cu problemanan husticial, hobennan cu retonan social y familiar, hobennan den educacion y tambe e formacion y desaroyo di hubentud, tur ta haya atencion adicional di Gabinete Mike Eman”, Minister di Asuntonan Social y Hubentud a expresa.

   Tambe e aspecto di desempleo bao di hobennan tin atencion di Gobierno di Aruba. Durante IPKO, cada pais lo mustra e direccion cu cada uno a scoge pa asina pone e retonan di hubentud di nan pais den perspectiva.

- Advertisement -

DUNA COMENTARIO

Please enter your comment!
Please enter your name here