Home General Un proyecto bunita y moderno pa pueblo sirbi necesidadnan di Paradera y...

Un proyecto bunita y moderno pa pueblo sirbi necesidadnan di Paradera y bicindario

1
0
SHARE
- Advertisement -

Groundbreaking di MFA Paradera ta un realidad

ORANJESTAD   (AAN): Aki 12 luna, si tur cos cana riba schedule, Gabinete Mike Eman II hunto cu e pueblo di Paradera lo inaugura e edificio multifuncional (MFA Paradera) cu su construccion a inicia dialuna, 19 di januari ultimo. Joel Croes, ta e arkitecto cu ta trahando estrechamente cu partidonan envolvi pa mira cu e deseo di pueblo ta wordo cumpli den e proyecto aki di Gobierno.

Despues di un periodo di preparacion intensivo, dialuna tabatin e ceremonia di groundbreaking di MFA-Paradera y tur hende ta ansioso pa mira e edificio moderno aki lanta for di nada mey-mey di e barancanan di Paradera.

Inicialmente a haci un estudio di cada bario, esta cuanto usuario nan lo por spera cu ta bay haci uzo di e edificio y basa riba esaki ta bay calcula cuanto meter cuadra mester na espacio. Pero tambe a bishita e Bestuurskantoor Paradera mainta y a constata cu prome cu e luga habri, ya caba tin hopi hende para pafo den solo. “Esaki a duna nos un idea caba den ki direccion nos tin cu bay pa proteccion di solo,” e arkitecto a señala. Pero tambe a entrevista esnan cu ta traha den e Oficina Auxiliar Paradera y a haya mas idea di loke ta e necesidadnan na momento di brinda servicio na e publico. Tambe a reuni den forma regular cu e ekipo di MFA pa hunto traha riba e parti preliminar di e proyecto aki prome cu a yega na e diseño.

Importante den e diseño tabata cu e mester tin un proteccion di solo y yobida pa esnan cu ta para pafo y cu ora cu e clientenan drenta, no ta topa cu un plafond di tres meter halto. Asina cu e persona drenta por reconoce cada area cu tin eyden. Mayoria di espacio ta conecta cu otro den forma natural. E espacio pa parkeer ta keda patras mientras cu e parti dilanti a dedica na naturalesa.  Croes no ta mira dificultad den ehecucion di proyecto, cu excepcion na inicio unda cu mester move algun baranca riba e tereno, aunke mayoria ta keda na nan luga y ta wordo incorpora como parti di e landscaping. “Esaki ta un reto cu sigur cu nos a tene cuenta cune,” el a enfatisa.

Den diseño ta uza tecnologia nobo. Ta uza un lift moderno y sofistica cu ta uza menos coriente, lo uza otro tipo di fachada di glas, teniendo cuenta cu e solo, lo no wordo hinca den kozijn. Pero, segun e arkitecto, ta miho pa warda y mira resultado di e diseño cu sigur ta diferente di loke ta uza na Aruba awor. E trabou di construccion a wordo gana door di e compania BIC NV, cu ta bon conoci den mundo di construccion.

Despues di groundbreaking dialuna David Britten, di Thiel Materials cu ta parti di Thiel Corporation mescos cu BIC NV, a splica cu nan lo bay brinda e miho trabou manera semper a haci. “Ta trata di un bunita proyecto cu nos lo cuminsa riba diaranson,” Britten a splica. E diseño nobo y moderno sigur no ta un problema pa BIC NV, mirando e experiencia grandi nan tin y lo bay “vlot”, finalisando riba e fecha poni den e contracto. Pa e proyecto aki, a haya 240 dia di trabou pa finalisa e construccion. Pa e edificio mes nan no ta mira hopi reto, solamente e barancanan cu mester wordo movi y protega e matanan pa nan keda forma parti di e “landscaping”.

 

 

- Advertisement -

DUNA COMENTARIO

Please enter your comment!
Please enter your name here