Bunita Sport Museum di Gaby Illidge

ORANJESTAD   (AAN):  Diaranzon anochi tabata un dia inolvidabel pa Gaby Illidge unda porfin su deseo a wordo cumpli pa bin cu su buki  y tambe traha su museum cu tur su logronan den e mundo di Baseball. E buki a wordo traha pa Lizeth Rasmijn Espindela y Dufi Kock.

Gaby na edad di 9 aña a cuminsa hunga Baseball y tabata grandi riba e posicion di tercera base y a bai representa Aruba na varios pais.

E anochi special aki a cuminsa cu bautismo di e buki unda su nieto Jeff –Lee llidge a haya e honor ey y su nieta Jewell Illidge a corta e cinta den presencia di su yiu Shaul y Fernando.  Hopi ta esnan cu a presenta na Gaby su cas na Siouxstraat 13 pa asina admira su joya di museum y felicit’e.