Home General Miho iluminacion ta algo cu pueblo a pidi p’e

Miho iluminacion ta algo cu pueblo a pidi p’e

0
0
SHARE
- Advertisement -

Minister Sevinger

ORANJESTAD   (AAN): Ehecucion di miho infrastructura pa Aruba, un miho iluminacion cu tecnologia moderno, ta algo cu ta wordo ehecuta door di ELMAR y financia pa Ministerio di Asuntonan di Infrastructura, bou maneho di Minister Benny Sevinger.
Un miho iluminacion pa Aruba cu tecnologia moderno ta algo cu Minister Sevinger y Prome Minister Mike Eman a bin ta papia riba dje for di e prome Gobernacion di Gabinete Mike Eman.

Esaki tabata peticion di ciudadanonan ora cu e mandatario tabata bishita barionan rond Aruba. “Nos lo no stop te ora cu delaster skina di Aruba ta miho ilumina,” tabata palabranan expresa pa Minister Sevinger. Awor cu firmamento di e contrato cu e compania ELMAR, e plan di e Gobierno ta sigui wordo ehecuta.

Na 2013 caba rond di mil punto di luz a wordo cambia of poni nobo uzando e sistema di LED-Light. “Ultimo añanan nos a traha duro riba e plan aki. Ya caba den e ultimo añanan tur e barionan cu a wordo renoba a haya e iluminacion nobo di LED-Light. E reaccion cu nos a haya tabata hopi positivo .”


E mandatario a conta cu despues di e periodo ey, Gobierno a ricibi un cantidad grandi di peticion for di tur skina pa haya of mehora iluminacion den e barionan, pa siguridad y mehora calidad di bida di e ciudadanonan. “Pesey nos ta contento cu a yega momento pa firma un acuerdo nobo cu ELMAR, cu ta papia di 12 mil luz cu ta bay wordo poni den dos aña di tempo. Pero nos ta spera cu esaki por wordo haci den un aña.”

Minister Sevinger sinembargo ta ta bisa cu e trabou aki no ta algo solamente di su Ministerio. E ta algo cu a cuminsa cu e vision di Prome Minister Mike Eman y cu cooperacion di nan colega di Asuntonan di Energia Mike de Meza.

Esaki ta e prome paso pa realisa e vision y awor ta momento pa e trabou fisico mes cuminsa, cu instalacion di e luznan LED. “Nos ta spera cu e cana mas lihe posibel y cumpli asina cu e proyecto aki cu pueblo ta sperando riba dje,” Sevinger a duna di conoce.

 

- Advertisement -

DUNA COMENTARIO

Please enter your comment!
Please enter your name here